Series 6 > Perth Kirk Session books, 1577-1590

134
THE PERTH KIRK SESSION BOOKS: 1579
at the farrest, in respect of the quhilk Issobel Pyper, spous to Jhon Peblis, hes
layit in pledge for the said Catherin for the sowm of ten pundes to the pair
ane goldin ring, quhilk go [1] din ring is gevin to Jhon Ranaldson to keip.
And failyeing that the said Catherin enter to suffer the injunctionis of the
kirk at the said day of Candilsmes nixt, at the fair[th]est, that ten pundes be
maid of the said ring to be gevin to the puir.118
Quhilk day also Henry Adamson bailye reportit that he had ressavit four £
money for the pledges that ar in Jhon Ranoldsonis hand of Patrik Justices
and that as caution for Thomas Fouhs.
[56] xxviii September 1579
Quhilk day James Bruce becam caution under the pain of x £ to the puir
that Bessy Colt, fornicatrix with James Duncan, suld fulfill the injunctionis of
the kirk betuix this dait and Hallowmes nixt. (1 2 3 R)
The assembly present thinkes it meit ane testimonial be gevin that auld
William Tyry hes submittit him self in all controversies to the minister and
so mony of the eldares as is nominat to that effect. And yong William his
son refussit to do the elyk.119
Comperit Archibald Lyng and confessis his fornication with Agnes Moir and
submittes him self to the disciplin of the kirk thairfoir. (1 2 3 R)
Quinto Octobris 1579
Comperit James Stobby and Margreat Macclaran and desyrit thair bannes
to be proclamit, for performance quhairof the said James hes fand George
Stobby caution under the pain of x and lykwayis the said Margreat hes
fund Jhon Adam caution for the sam effect under the lyk pain. (12 3 mar.)
Comperit Agnes Cudbert and confessit hir fornication with Alexander
Reatt, for the quhilk scho submittes hir self to the disciplin of the kirk. (1
2 3 R)
Ordenis the act apoyntit for sclanderous persones to be put to execution
upon Petir Quhythill for the injuring of Janet Henderson, spous to Andro
Brownhill.
118 Candlemass is 2 Feb. See 3,9 and 10 Aug., Catherine Kynloch confessing fornication with
three others. 21 Mar. 1580 indicates that she is the same person as the one cited here. See
also 7 Mar. 1580.
119 See 4 May 1579. The younger Wilham has refused to abide by the kirk’s arbitration of his
quarrel with his father. In anticipation of future problems, William senior wants evidence
that he himself has been cooperative.