Series 3 > Foreign correspondence with Marie de Lorraine, Queen of Scotland, from the originals in the Balcarres papers > Volume 7

LETTERS TO MARY OF LORRAINE
161
hommes du monde j’estime estre aujourdhuy Monseigneur
de Guyse, ay ant eu eest honneur de me trouver aucunes
foys au conseil du Roy, ou je Lay veu souvent oppiner
et si bien et sagement en toutes choses qu’il fault que con-
fesse que si je luy estoys auparavant serviteur tres humble,
je luy suys depuys demeure esclave ; et entre aultres d’une
oppinion que je luy ay veu prandre et debattre pour ung
foys entre les aultres si a propos et avecques tel fondement
de raison, encores qu’il eust beaucoup de contrariete a
demesler,1 que il en sera a tout jamays a estimer parmi les
hommes de jugement comme il est veritablement. J’ay
prins la hardiesse de luy en parler depuys et auparavant
encores luy en avoys touche ung mot. Il m’a faict cest
honneur de trouver bon tout ce que luy en diz comme d’un
sien serviteur, aultant affectionne a sa grandeur que homme
qui vive. S’il vous plaist, Madame, par la premiere lettre
que luy escriprez luy mander de votre main que je vous ay
escript 1’avoir tousiours veu tres saigement parler et
oppiner et une foys entre les aultres ou il en estoyt besoing,
ce me sera faveur et accroissement d’obligation envers
votre Mageste. Et en luy en disant ce mot il entendre
bien que de quoy pour ne vous tenir en poyne je vous en
toucheray le poinct principal; c’estoys, Madame, devant
Cambray 2 ou il estoyt question de debbatre de 1’assieger
et la citadelle qui est une forte place et mauvaise. J’espere,
Madame, vous compter ceste histoire plus a loysir.
Madame, je ne veulx aussi faillir a vous advertir par
mesme moien que du coste de Piedmont, Monsieur le
Mareschal de Brissac3 et le Sieur Don Ferrand de
Gonzagues, lieutenant general pour PEmpereur en Lorn-
bar dye, ont parlemente ensemble ces jours passez, et
accorde une tresve pour quarante jours et de davantaige
soubz le bon plaisir toutesfoys et voulloir de leurs maistres.
Quant au Roy, Madame, apres en avoir eu advis de la part
1 This phrase is given in the same cipher as that used in Appendix A.
8 devant Cambray. The attack on Cambrai by Henry II. failed.
3 Monsieur le Mareschal de Brissac. Montluc (Chronicles, vol. i.) gives] the
history of this campaign.
VOL. II. L