Series 1 > Miscellany of the Scottish History Society (First volume)

1627]
SIR THOMAS HOPE
95
moneth, I wes still in towne, but hard not of theis till I wes
gone to Fyif, and than thay followit me vpon the morrow.
And vpon the vther morne, efter the ressait thairof, I re-
turnit from Fyiff to Edinburgh to attend that quhilk lies takin
suche success (as if your lordschip haif contentment) I sal neuer
haif ane croce thocht in respect of the worthines of the
personnis to quhom it is bestowit. But indeed I ame sorie
that I haiff not hard of your lordschip that ye ar contentit,
and hes approvin the course quhilk nottheles I presum to be
sa in respect of the greit bands of affectioun betuix your lord¬
schip and him.
This nycht the Erl of Hadingtoun made me reid your lord-
schipis letter tuiching your lordschipis purpose of Twining-
hame,1 and albeit I am sorie that theis lands sould he putt
away, yet becaus I find your lordschip so ernest in your desyre
I haif drawin vp ane band of alienatioun to be subscryvit be
your lordschip and your lady in fauores of the Erl of Hading¬
toun, quhilk is to be sent to your lordschip in the nixt
pacquet, becaus it will not be so sone drawin vp as to go with
this. But seing it is to be ane Mertimes bargan, we must
mak the greter expeditioun that your lordschipis money lye
not vnprofitable in your lordschipis hands. And thairfoir it
wil pleis your lordschip to resolue to quhom ye will pay any
moneyis at this terme, and to sett doun thair names in ane
roll, and to wrytt to tham to ressaue the samyn. And siklyk
to sett doun ane nott of the wedsettis quhilk presentlie lyis
vpon the landis, for so muche of the moneyis must be retornit
be the Erl of Haddingtoun in his handis as will ansuer to theis
wedsettis quhilk ar yit vnredemit; and last, to sett doun the
, takkis and rentalls, if any be maid and sett be your lordschip
since ye cam to the lands, to the effect the samyn may be
exceptit from the warrandice; for I haif to aggrie with the
1 The estate of Tyninghame in East Lothian, now the seat of the Earl of
Haddington, was an ancient possession of the Bishops of St. Andrews, and was
subsequently owned for about a century by the Lauders, the Lairds of the Bass,
by whom it was sold in 1621 to John Murray, afterwards Earl of Annandale,
for 200,000 merks. He again sold it to his friend Thomas, first Earl of Had¬
dington, in 1627, for the same price.—Sir William Fraser’s Memorials of the
Earls of Haddington, vol. i. p. xxxiii.