Series 4 > Stirling Presbytery Records 1581-1587

STIRLING PRESBYTERY RECORDS 1581 —1587 301
Levingstone, Mr Henrie Layng, ministeris; Mr Alexander lull and
Mr Richard Wrycht, brethir of exerceis within the boundis of the
presbytery of Sterling; Mr Andro Yung, Mr James Burdun, Mr
William Drummond, Mr Alexander Chisholme, Johnne Burdun,
Mr William Sterling, ministeris and brethrein of exerceis within the
boundis of the presbytery off Dunblane.
Bischop off Dunblane: The quhilk day ane summondis beand pro-
ducit dewlie execute and indorsit upone Williame Chisholme,
bischop of Dunblane, chairgein him to compeir the said day to gif
ane confessione of fayth and religione, to profes and subscryve the
confessione of fayth subscryvit be the kingis majestic and his hous-
hald and the rest of the faythfull within this realme undir the paine
of excommunicatione, as at mair lynthe is conteinit in the said
summondis, quhilk bischop being oft tymis callit compeirit nocht,
hot James commendatar of Inchaffray and James Chisholme of
Cromlickis compeirand for him and in his name allegit that the said
bischop haid ane disais fallin in his leg quhairthrow he mycht naw-
ayis travell to compeir befoir this assemblie and thairfor desyrit the
brethrein to superseid farther procedein againis him quhill he war
summond de novo that in the mantyme he may resolve him self gif
he will profes our religione publictlie professit within this realme or
ellis to depart aff the cuntrie. The brethrein being advysit with the
said desyr findis na testimonial! in wret producit testefeand the said
bischopis disais nather yit ony powar of him to the said hbnorahlle
men to desyr thair said petitione in his name. Nochttheles, the
brethrein for avoydein of all kynd of occasione that may appeir of
thair sudden proceidein in the said mater hes thocht gude to proceid
in proces againis the said bischop in manir follwein, that is to say,
becaus of the said allegit defens thay have ordeinit and ordeinis thair
brethrein Maisteris Andro Yung and Henrie Levingstone, ministeris,
to pas to the said William, bischop of Dunblane (gif he can be
personallie apprehendit), and to confer with him anent his religione,
and in the name of God to requyr him to profes and subscryve the
confessione of fayth and religione abone mentionat and farther
according to the ordur, and gif he refuse that thai admoneis him
in the name of God and of his reformit kirk within this realme
of Scotland to compeir befoir the breithrein of the presbyteriis of
Sterling and Dunblane in the parroche kirk of Sterling the vij day of