Series 4 > Stirling Presbytery Records 1581-1587

STIRLING PRESBYTERY RECORDS I581-I587 287
and his kirk desyrit all personis quhatsumevir that hade to oppone
againis him. ony way in lyf and conversatione that may unablle
him to be admittit to the said waightie chairge that thay compeir
befoir the brethrein of the presbytery of Sterling in the parroche
kirk thairof the ten day of October instant in the hour of cans,
thair to declair the samin, with certificatioun gif na lauchfull
impediment be opponit the said day that he wilbe fullie admittit
ordinar pastur to thame, according to the ordur, conforme to his
said commissione in all pointis, of the quhilk he producit the extract
befoir the brethrein, quhilk being red and his report jugit on, he
is fund to have execute his said commissione dewlie according
thairto. Eftir the quhilkis, all personis quhatsumevir in generall that
hade to say againis the said Mr Henrie Levingstone in lyf and
conversatione (gif ony was) being oft tymis callit, nane compeirit,
lauchfull tyme of day biddin. The brethrein accordein to the juge-
ment of the said synodall assemblie and the certificatione abone
specefeit hes admittit and admittis the said Mr Henrie Levingstone
ordinar pastour to the said parroche kirk callit of auld S. Ninianis
kirk besyd Sterling with full powar to him to teiche Godis Word,
ministrat the sacramentis and execute disceplein with all uthir
exerceis appertening to his offeice accordein to the Word of God
in all pointis. And also the brethrein ordanis James Andirsone,
minister at Sterling, commissionar, to pas to the said parroche kirk
on Sonday the xv day of October instant and thair eftir sermond
to notifie the said Mr Henreis admissione to the parrochinnaris
thairof, and to plaice him ordinar pastur thairat according to the
ordur, acceptand promeis of the said Mr Henrie solemlie that he
salbe ane trew and faythfull pastur to that flock as Godis Word
prescryvis swafar as it sail plais God to assist him with his Spirit,
and that he crave the said parrochinnaris consent to his admissione
and plaissein, with ane promeis that thai salbe obedient to the said
Mr Henrie, thair minister, according to Godis Word, swalang as
he remains faithfull in his offeice. And ordanis the commissionar to
report his diligence heirin to the brethrein on the xvij day of
October instant.
Mr Andro Kirk: The samin day compeirit Andro Kirk, reder at
the kirk of Muckert, and declairit that he hade ane yung mane to
his sone callit Mr Andro Kirk, quha is reder presentlie at the kirk