Series 4 > Stirling Presbytery Records 1581-1587

272 STIRLING PRESBYTERY RECORDS I581-I587
nocht onlie ministrat the sacrament of baptism to baimis lauchfullie
gottin, hot also to William Fargeis bairne gottin in fomicatione,
the kirk nocht beand satisfeit thairfoir, and that besyd mony uthir
his offencis conteinit in the actis of this presbytery, for the quhilk
it is declairit unto him that he deservis simpliciter deprivatione fra
all offeice in the kirk. Nochttheles, the brethrein continewis thair
jugementis pronuncein quhill thay be farther advysit concerning
the saidis offencis and presentlie for farther tryell of his habilitie
ordanis him to teiche privallie in forme of exerceis on the xviij
chaptur of S. Mathowis evangell beginning at the 7 vers thairof
and to tak swa meikill thairof as he plasis and that on the xxij day
of August instant, and presentlie of new suspendis him that as of
befoir fra all offeice in the kirk excep onlie simpill reidein, pro-
claming of bandis of mariagis and solemnizatione of mariagis,
according to the ordur allanirlie, withe certificatione and he mell
with ony farther ather in teichein, exhortein, ministratione of the
sacramentis or ather of thame, he salbe deprivit ipso facto without
ony farther proces, and this suspensione to continew ay and quhill
the brethrein be tryell find him meit and ablle to continew a minister
in the kirk and thairfor admit thairto de novo.
At Striviling the xvij day of August, 1587, beand ane ordinar
preichein day in the kirk of Sterlin
Presentes: James Andirsone, Johnne Duncansone, Alexander
Fargy, Mr William Cwper, Mr Andro Yung and Mr Andro
Yung [sic], assessur, ministeris; Mr Alexander lull, Mr Richard
Wrycht and Mr Johnne Millar, brethir of exerceis.
Tryell off Mr Henrie Levingstone: The quhilk day being appointit
to Mr Henrie Levingstone to teiche publictlie in the pulpet of
Sterling on the iij chaptur of S. Johnis evangell in forme of publict
doctrein with applicationis and that for tryell of him in the secund
point appointit for examinatioun of personis presentit to the
ministrie, the said Mr Henrie having teichit thairon to the 6 vers
of the samin exclusive and the brethreinis jugementis thairon cravit,
the samin was fund sound doctrein and proffitabill, aggreing weill
with the text and the forme prescryvit to him. Nochttheles for
farther tryell of him in the samin point, the brethrein ordanis him