Series 4 > Stirling Presbytery Records 1581-1587

258 STIRLING PRESBYTERY RECORDS 1581-1587
provydit to him thairfoir as yit, for remade quhairof we, the said
brethrein, with ane consent aggreis and voluntarlie promesis for
the present necessitie to content to pay to him ten pundis mony of
feall thairfoir yeirlie at twa termis in the yeir, Witsonday and
Mertimes, be equall portionis ay and quhill we obtein to him ane
better feall thairfoir uthirwayis, the first yeiris paymentt thairof to
begin at the feast of Witsonday in this instant yeir of God im vc
Ixxxvij yeiris. Quhilk soume we, and everie ane of us respective,
voluntarlie oblesis us to pay to the said James at the termis foirsaidis,
during the said speace according as it is devydit and particularlie
indorsit in ane uthir tickat subscryvit also with our handis respective.
In witnes quhairof, we have subscryvit thir presentis with our
handis in this our assemblie haldin at Sterling, day [and] yeir foirsaid.
[Blank space for signatures follows.]
Cristane Jarvie, adultrix: Compeirit Cristane Jarvie in Camok and
confessis hir to have committit adultrie with Johnne Knox in
Auchinbowie, mareit, for the quhilk (as scho confessis) scho
compeirit befoir the synnodall assemblie of this province and
ressavit injunctionis injonit to hir for the samin, quhilk injunctionis
scho wald nocht obey, and thairfoir was excommunicat fra the
societie of the kirk, hot thruch the mercie of God scho hes repentit
[of, deleted] hir disobedience and unfenzitlie confessit hir said offence
of adultrie and hes offirit hir self in the will of the kirk thairfoir. In
respect quhairof, and eftir dew tryell tane of hir said repentence
be the particular sessione of hir parroche kirk of S. Niniane, thay
be advys of this presbytery hes absolvit hir fra the sentence of
excommunicatioun, at quhais command the said Cristane compeiris
this day and offiris hir self reddie to obey quhat the brethrein of this
assemblie will injone to hir. The brethrein, being advysit with the
said Cristanis confessione, ordanis hir to mak publict repentence in
hir said parroche kirk of S. Niniane ilk Sonday in hir awin clathis
quhill the nixt synnodall assemblie to be hauldin in this brugh on
the first Twysday of October nixt, on the quhilk day the said
Cristane sail compeir in linning clathis and thair to ressave sic
farther injunctionis as than salbe injonit to hir for hir said adultrie
undir the paine of disobedience.
James Wilsone, fornicatur: The quhilk day Robert Mentayth,
minister at Alvayth, declairit to the brethrein that forsamekill as