Series 4 > Stirling Presbytery Records 1581-1587

256 STIRLING PRESBYTERY RECORDS 1581-1587
for the said fomicatioun, and to answer farther, as he salbe requyrit,
undir the paine of disobedience.
Waltir Buchannan: The quhilk day ane summondis beand pro-
ducit dewlie execute and indorsit upone Waltir Buchannan,
brother to Johnne Buchannan of Amepriour, chairgeing him to
compeir the said day to heir and se him self decernit to be ex-
communicat as ane papeist, refusar to profes the religione, authoresit
be the kingis majestic and his thre esteattis of this realm, aggreing
with the Word of God, and to subscryve the confession thairof,
subscryvit be his majestic and his houshauld, and for disobedience
to the kirk quha, being oft tymis callit, compeirit nocht. Nocht-
theles, the brethrein considdering the weghtines of the sentence of
excommunicatioun gif thai proceid this day, as justlie thay may,
and inrespect of the absence of sum discreit brethrein, thay continew
the pronuncein of thair decreit off excommunicatioun to the penult
day of July instant, and ordanis the said Waltir to be summond
thairto in the samin forme and effect as he was summond to this day.
Concerning absens off rederis fra the synnodall: The brethrein undir-
standing that forsamekill as be act of the last synnodall assemblie
Robert Mentayth, yunger, reder at Alvayth, Symone Pattone, reder
at Glendoven, Johnne Hammiltoun, reder at Bothkenner, and
Alexander Cuthbert, reder at Falkirk, ar convict everie ane of
thame in ane certane penalty for thair absence fra the said last
synnodall assemblie and the moderatour of the presbytery ordeinit
to caus uplift the samin and to be answerabill thairfoir to the nixt
synnodall, as at mair lynthe is conteinit in the ordinance made
thairupone, thairfor the brethrein ordanis the saidis rederis to be
summond litteratorie to produce and delyvir thair penalteis re¬
spective, quhilk thay and everie ane of thame ar decernit respective
to pay be the said ordinance for thair absence fra the said assemblie,
undir the paine of disobedience.
Absens of Patrik Layng fra the synnodall: The quhilk day Patrik
Layng, beand requyrit to produce his penaltie quhairin he was
convict be act of the last synnodall assemblie haldin at Sterling for
his absence thairfra on the secund day thairof, ansorit that he mycht
nocht tarie the said day for laik of expensis. Nochttheles, he refarris
him self in the will of the nixt synnodall assemblie thairfoir, to the
quhilk tyme the brethrein continewis the uplifting of his penaltie.