Series 4 > Stirling Presbytery Records 1581-1587

248 STIRLING PRESBYTERY RECORDS 1581-1587
act of the last synnodall assemblie thay war ordeinit to proceid in
tryell with Patrik Layng, William Sterling, Mr Adame Mairschell
and Richard Fleming allegit ministeris, to try gif thay or ony of
thame be abill and qualefeit to continew as pastoris and ministeris
in the kirk, as at mair lynthe is conteinit in the said act, thairfor
the brethrein ordanis all the saidis personis to be summond litteratorie
to heir and sie farther tryell tane of thame and everie ane of thame
concerning thair habilitie to bruik offeice as ministeris in the kirk,
according to the said ordinance, undir the paine of disobedience.
Hendirsone, Forester: The quhilk day ane summondis beand pro-
ducit dewlie execute and indorsit upone Johnne Hendirsone,
yunger, baxter in Sterling, Hellein Forester, dochtir to umquhill
George Forester in Schiphaucht, and Hellein Donaldsone, hir
mother, chairgeing thame and Johnne Hendersone, elder, thair
cautionar, to compeir the said day to gif answer quhy manage is
nocht desyrit to be solemnizit betuix the said Johnne Henderson,
yunger, and Hellein Forester according to thair promeis made
thairanent with consent of the said Hellein Donaldson, mother to
the said Hellein Forester, in presens of James Duncansone, reder at
Sterling, and to heir tryell tane thairanent, compeirit the said
Jolume Hendirsone, yunger, and allegit the caus of nocht desyring
of the said mariage to be compleit was nocht in him hot in the said
Hellein Forester and hir mother quha, and the said Johnne Hendir¬
sone, elder, being oft tymis callit, compeirit nocht. Thairfor the
brethrein ordanis the saidis personis disobedient to be summond
of new to the xxv day of this instant moneth to the effect foirsaid
undir the paine off excommunicatioun, the said Johnne Hendersone,
yunger, wamit thairto apud acta.
At Sterling the xxv day of Aprill, 1587
Presentes: James Andirsone, Andro Forester, Mr Henrie Layng,
Robert Mentayth, ministeris; Mr Alexander lull, ane brother of
exerceis.
Robert Mentayth propheceithe and James Andirsone addithe
thairto in the plaice ordinar of Mr Alexander Wallace, quha was
nocht advertesit to keip the samin and thairfor it is jugit that he
may nocht justlie be accusit for neglecting of the secund plaice.