Series 4 > Stirling Presbytery Records 1581-1587

STIRLING PRESBYTERY RECORDS 1581-1587 245
that forsamekill as this lairge tyme past he hade exercesit with the
brethrein and teichit publict doctrein, as he was appointit, hoiping
to have bein placit ane pastour at sum kirk vacand within the
boundis of this presbytery (gif the brethrein eftir tryell sould have
fund him meit thairfoir) and now seing he can persave the par-
rochinnaris of na kirk suttand him that hes ony rassonablle stipend
appointit to gif ane pastour, thairfor he desyris the brethrein to gif
him thair testimonial! of his habilitie to entir in the ministrie insafar
as thay have hard direct to Mr Andro Clayhillis, minister at Jedward,
and Mr John Knox, minister at Mewrus, and utheris brethrein in
thais boundis. The brethrein, having hard the said Mr Williamis
desyr and being advysit with the tryell of his doctrein alreddie tane,
ordanis the commissionar and scrib to direct ane testimonial! to the
personis foirsaidis in thair namis, testefeand thair tryell of him
privatlie and publictlie in forme of exerceis sindrie tymis, as also
in forme of publict doctrein publicklie, quhairof thai hade gude
lyking and hopis he salbe ane proffitabill instrument in the kirk and
knawis na thing in his lyf and conversatione bot gude and honestie.
Upone the nixt day of exerceis the iiij day of Aprill, 1587 the
synnodall assemblie of this province was haldin in Dunblane,
quhair the brethrein of this exerceis was present.
At Sterling the xj day of Aprill, 1587
Presentes: James Andirsone, Johnne Duncansone, Mr Henrie
Layng, Alexander Fargy, ministeris; Mr Alexander lull and Mr
William Muresone, brethir of exerceis.
The said day James Andirsone propheceithe and Alexander
Fargy addit thairto in the secund plaice, as thai war ordeinit.
Waltir Buchannan: The quhilk day ane summondis producit
dewlie execute and indorsit upon Waltir Buchannan, brother to
Johnne Buchannan of Arnepriour, chairgeing him to compeir the
said day to gif ane confessione and declaratioun of his fayth and
religioun and to subscryve the confessione of fayth subscryvit be
the kingis majestic and his houshald undir the paine of excom-
municatione, quhilk Waltir being oft tymis callit compeirit nocht,
bot Mr Henrie Layng, minister at S. Ninianis kirk, producit ane