Series 4 > Stirling Presbytery Records 1581-1587

222 STIRLING PRESBYTERY RECORDS I58I-I587
that Mr James Cokbrun is provydit to the personage and vicarage
of the kirk of Muckert, quhilkis ar benefecis of cure, and yit mackis
nocht residence and serveice at the kirk thairof as becumis, as is
allegit, thairfoir ordanis the said Mr James Cokbrun to be summond
litteratorie to compeir befoir the brethrein to mak declaratioun and
informatione to thame of the forme and manir of his admissione to
the saidis beneficis and to that effect to bring with him and produce
his presentatione thairunto, his collatione thairupone, gif he ony
hes, with all uthir richtis and documentis that he hes concerning the
said mater to be sein and considderit be thame undir the paine of
disobedience.
At Sterling the fyft day of July, 1586
Presentes: Patrik Gillaspie, Mr Arthur Futhie, Alexander Fargy,
ministeris; and Mr Alexander lull, ane brother of exerceis.
Mr James Cokburn: The quhilk day ane summondis beand pro-
ducit upone Mr James Cokbum dewlie execute and indorsit
chairgeing him to compeir the said day to mak declaratione to the
brethrein of the forme and manir of his provisione and admissione
to the personage and vicarage of the kirk of Muckert and to that
effect to bring with him and produce his presentatione thairunto,
his collatione thairupone gif he ony hes, with all uthir rychtis and
documentis that he hes concerning the said mater to be sein and
considderit be the brethrein under the paine of disobedience, quhilk
Mr James being oft tymis callit compeirit nocht. Thairfor the
brethir ordanis the said Mr James to be summond of new to the
effect foirsaid undir the paine of excommunicatione.
At Sterling the xix day of July, 1586
Presentes: James Andirsone, Patrik Gillaspie, Mr Arthur
Fethie, Andro Forester, Robert Mentayth, Alexander Fargy,
ministeris; Mr Alexander lull and Mr Henrie Layng, brethir of
exerceis.
Concerning baptisme: The brethrein undirstanding that mony
personis presentis nocht thair baimis to be baptesit on the nixt
sermond day eftir thair birthe, as aucht to be, bot deleyis and