Series 4 > Stirling Presbytery Records 1581-1587

195
STIRLING PRESBYTERY RECORDS 1581-1587
the advys and consent of the brethrein of the said presbytery, quhilk
the said Mr Andro be the tennour heirof promessis to observe and
keip firmlie and suirlie undir the paine of peijure, defamatioun, and
perpetual! deprivatioun. In witnes heirof, I have subscryvit thir
presentis with my hand, day, yeir, plaice foirsaid. Androu, B.
Domblan.
The quhilk day, Patrik Gillaspie, minister at Sanct Ninianis kirk,
exponit and declairit to the brethrein that Thomas Mur do, husband
to Doratie Buchannan, is allegit adulterar with [blank] Waltir, for
the quhilk he, as ane parrochinnar of the said kirk, hes bein oft and
dyvers warnit to have compeirit befoir the particular sessioun of
the said parroche kirk to have hard tryell tane thairanent, quha will
nocht obey thair citatioun without he be compellit. Thairfor the
brethrein ordanis the said Thomas to be summond litteratorie to
compeir, befoir the brethrein to answer for the said disobedience
and to heir and se him self decemit to have committit adultrie with
[blank] undir the paine of disobedience.
At Striviling the xxij day of Januar, 1583
Presentes: Patrik Gillaspie, James Andirsone, Mr William Stirling,
Robert Mentayth, Mr Andro Yung, Alexander Fargy, Michaell
Lermonthe, Mr Andro Grahame, ministeris; Mr James Pont,
Robert Alexander, Umphra Cunynghame, elderis; Mr Alexander
lull, ane brothur of exerceis.
Jonet Baxter, adultrix: The quhilk day compeirit Jonet Baxter,
parrochinnar of Kilmadok, and grantis hir to have borne ane baime
gottin on hir in adultrie be Alexander Edmestoun, parrochinnar
siclyk of Kilmadok, husband to Jonet None. For the quhilk offence
the said Jonet offiris to obey the kirk and thairfor desyris ane com¬
mand to Michaell Lermonthe, hir minister, to bapteis hir said
baime. The brethrein ordanis and commandis the said Jonet to
compeir befoir the nixt provincial! assemblie of this province to be
haldin in Edinburgh the first Twysday of Aprill nixt, viz., the vij
day of the samin thair to ressave injunctionis to be injonit to hir for
hir said adultrie and to obey thame undir the paine of excommuni-
catioun, and that scho with all diligence act cautioun in the com-
missaris buikis of Striviling that scho sail obey the said ordinance
Q