Series 4 > Stirling Presbytery Records 1581-1587

STIRLING PRESBYTERY RECORDS I581-I587 l8p
undirly the samin disceplein for dissaving of the pepill and abusing
of the sacramentis undir the pain of excommunicatioun, and this
as for the fourt admonitioun befoir the pronuncein of the sentence
of excommunicatioun to the effect the said freir sould have na
occasioun to allege ovir summar proceiding againis him nor
sufficient admonitiounis gevin befoir the pronuncein of the sentence
and immediatlie thaireftir I made solem prayer for his conversioun
and exhortit all the congregatioun to pray for him, quhilk I did
in presens of the haill pepill conveinit to heir Godis Word for the
tyme. James Anderson, minister off the evangell at Striviling.
Upone Sonday the first day of December the yeir of God foirsaid,
I, James Andersone, minister of Godis Word at Striviling, at
command of the brethrein of the presbytery of the said brugh in
the parroche kirk of the samin immediatlie eftir sermond inquyrit
the elderis and deacunis of the said kirk beand present for the tyme
thane to declair gif freir Robert Veiche, be him self or utheris in
his name, hade offirit to ony of thame to obey the ordinance of the
kirk and admonitiounis gevin to him thairanent in name of the
kirk quha keipit all sylence and als inquyrit publictlie gif the said
freir Robert Veiche, or ony in his name, wald thane compeir and
promeis obedience to the kirk and trew it is nane compeirit to that
effect and thairfor for his proud contemp and malicius disobedience
to the voice of the kirk (besyd his formar offencis), I, the said
minister, at command of the brethrein of the said presbytery,
pronuncit the sentence of excommunicatioun againis the said freir
Robert Veiche, conform to the ordur, and denuncit him excom-
municat and delyverit him ovir into the handis off Sathane to the
destructioun of the flesche that the saull may be saif in the day of
the Lord Jesus according to the Word of God, ordinance of the
generall kirk and brethrein of the presbytery foirsaid in all pointis,
quhilk I did in presens of the haill pepill conveinit to heir Godis
Word for the tyme, and immediatlie thaireftir I admonesit all the
faythfull and in speciall the said congregatioun and everie ane of
thame to abhor the said freir Robert Veiche, excommunicat as ane
hathin and publicane, and to have na kynd of societie with him
lest thai be partakeris of his sinnis and of the curs of the same, and
this I admonesit thame to bewar of, undir the paine of the censuris
of the kirk to be execute againis sic as sould haif ony kynd of