Series 4 > Stirling Presbytery Records 1581-1587

166 stikling presbytery records 1581-1587
Edinbrugh the x day of October nixt to be declairit gif the said
separatioun and confirmatioun or ony ane of thame be delapidatioun
of the patrimony of the kirk or nocht. Becaus dyvers dyettis beand
observit in taking of the said tryell of the said Mr Johnne, it was
onnawayis varefeit nor provin to the said elderschip that he was
culpablle of ony of the artickillis conteinit in the said act of the
generall assemblie alwayis suspendand the declaratioun of the twa
pointis befoir exceptit to the said generall assemblie, conform to the
jugement of the synnodall assemblie of the said elderschip, and to
that effect the said brethrein hes wamit and chairgit the said Mr
Johnne to compeir befoir the generall assemblie to be haldin, day
and plaice foirsaid, to heir and sie diclaratur gevin anent the twa
pointis abonespecefeit.
Countas off Montayth: The quhilk day ane summondis beand
producit deulie execute and indorsit upone Marie, Comptas of
Menteyth, chairgeing hir to compeir the said day to answer at the
instance of the kirk for speiking with Mr Robert Montgumrie,
beand excommunicat, interteneing him in hir hous, eating and
drinking with him, compeirit the said Comptas of Mentayth and
confessis Mr Robert Montgumrie was in hir hous bot allegis scho
knew nocht that the said Mr Robert was excommunicat and that
his wyf come to hir plaice befoir him self and assurit hir that the
said Mr Robert was aggreit with the kingis grace and the kirk in
all thingis excep ane quhilk wald be lykwys aggreit, quhilk ex-
communicatioun gif sche hade knawin affermit that he sould nocht
have cumit in na plaice quhair scho was and Michaell Lermonthe,
thene minister at Kilbryd kirk, being askit be the moderatour gif
he intemeit the excommunicatioun of the said Mr Robert Mont¬
gumrie in the said Comptas parroche kirk of Kilbryd or nocht
answerit negativelie. Inrespect of the quhilk nonintimatioun and
misknawlege hade be the said Comptas of the said excommuni¬
catioun, the moderatour in name of the brethir onlie admonesit the
said Comptas nocht to commone with the said Mr Robert nor
interteine him na manir of way frathisfruth, quhill he be absolvit
fra the said sentence of excommunicatioun undir the paine of the
censuris of the kirk to be execute againis hir maist scherplie gif scho
do in the contrar, quhilk admonitioun the said Comptas promisit
to obey.