Series 4 > Stirling Presbytery Records 1581-1587

156 STIRLING PRESBYTERY RECORDS I581-I587
paine of excommunicatioun, and lykwys I admonesit sum of the
elderis in speciall to speik and exhort the saidis personis to submit
thame selffis to the disceplein of the kirk undir the said paine and
that as for the first admonitioun befoir the sentence conforme to
the ordur, quhilk I did in presens of the haill pepill to heir Godis
Word for the tyme. [Signed] Alexander Fargy, minister of Logy,
with my hand.
McKie and Stewart, excommunicat: Upone Sonday the xxvj day of
May, the yeir of God foirsaid I, Alexander Fargy, minister of the
Word of God, past to the said parroche kirk and thair made
intimatioun publictlie eftir the sermond that I, accompaneit with
Johnne Grahame in Atheray, Andro Henrisone in Lochtbume and
Johnne Duncansone in Logy, elderis of the said kirk, past to the
personall presens of the said James McKie and Jane Stewart, quhair
we privellie and most gentlie exhortit thame to submit thame
selffis to the disceplein of the kirk, as said is, and fand na obedience,
quhilk the saidis elderis testefeit in presens of the congregatioun,
and thairfoir I, according to the ordinance of the brethrein of the
said presbytery, publictlie admonesit the saidis personis, as said is,
undir the paine of excommunicatioun and that as for the secund
admonitioun befoir the sentence conforme to the ordur, quhilk I
did in presens of the haill pepill convenit to heir Godis Word for
the tyme. [Signed] Alexander Fargy, minister of Logie with my
hand.
Upone Sonday the secund day of Junij the yeir of God foirsaid I,
Alexander Fargy, minister of the Word of God, eftir that the
foirsaidis elderis and I hade reportit to the brethir of our particular
sessioun our privie admonitiounis gevin to the saidis personis
togethir with thair obstinacie, I, according to the ordinance of the
brethir of the said presbytery, past to the said parroche kirk of
Logy and thair inquirit the haill elderis of the said kirk, beand
present for the tyme, gif the saidis personis or ony of thame hade
offirit, be thame selffis or ony uthir in thair namis, obedience unto
the kirk, quha ansorit negativelie and thairfoir, immediatlie eftir
the sermond, I publictly admonesit the said James McKie and Jane
Stewart, as said is, undir the paine of excommunicatioun, and
thaireftir prayeris beand made be me with exhortatioun to all the
congregatioun to pray for thame and that as for the thrid and last