Series 4 > Stirling Presbytery Records 1581-1587

152 STIRLING PRESBYTERY RECORDS I581-I587
forbid) to proceid to the sentence of excommunicatioun againis
him according to our decreit pronuncit thairupone in all pointis,
as the samin of the dett the [blank].
At Striviling the xxiij day of July, 1583
Presentes: James Andirsone, Patrik Gillaspie, Mr Andro Yung,
Mr Arthur Futhie, Robert Mentayth, Michaell Lermonthe,
Alexander Fargy, ministeris; Mr Alexander lule, ane brothur of
exerceis; Mr Duncane Nevein, Alexander Balvaird, rederis; and
Robert Alexander, elder.
James Castellaw: The quhilk day compeirit personallie James
Castellaw and Margaret Bavarage in quhais presens James Andir¬
sone, minister at Striviling, declairit to the brethrein that thai war
conveinit befoir the particular sessioun of the said kirk on the xviij
day of this instant and was accusit severallie for ressaving of Mr
Robert Montgumrie in thair hous, being excommunicat, on the
xv day of this instant quhair he remainit, as was allegit, to the xvij
day thairof at eftir none. To the quhilk, the said James Castellaw
ansorit that he was him self furth of this toun the mest part of all
the said tyme and that he knew nocht nor wist nocht that the said
Mr Robert was thair the said tyme, nather yit saw him nocht the
said tyme, bot confessit that his wyf grantit be him that the said
Mr Robertis wyf hade tane ane chalmir fra hir ij or iij dayis befoir
the said Mr Robertis allegit cuming in his hous and keipit the key
thairof with hir self at all tymis and gif the said Mr Robert was in
that chalmir or nocht the said speace, the said James Castellaw knew
nocht bot verraly he nevir kennit, met nor drink to gang furth of
his hous to that chalmir nor na servand of his, for the said Mr
Robertis wyf evir dynit and supit in his hall with sic cumpany as
was thairin as his wyf schew him. To the quhilk answer the said
Margaret Bavarage in hir answer aggreit in all. Farther, the said
James was inquyrit gif he at ony tyme sen the said Mr Robert was
excommunicat lugit in his hous in Glasgw, the said James confessit
he lugit in his hous sensyn bot his arrand thair was to crave silvir
fra the said Mr Robertis wyf and, as the said James allegit, at his
thair being nather was the said Mr Robert nor yit his wyf thair in
thair hous bot was furth of the toun. Quhilkis answeris the said