Series 4 > Stirling Presbytery Records 1581-1587

134 STIRLING PRESBYTERY RECORDS I58I-I587
sindrie Sondayis according to the ordur, and findis na obedience in
nane of thame as yit, hot he hes nocht put the saidis admonitionis
in wret in perfyt forme as yit, hot he sail do the samin sason as he
can gudlie, and as tuiching the executioun of the said summondis
on Margaret Bruce allegit he was manasit and bostet be Robert
Bruce of Clakmannan with mony injurius wordis, quhilk he
promesit to performe in deid incaice he execute the said summondis.
The brethrein, yit as of befoir, commandis and chairgis the said
Patrik Layng to produce befoir the brethrein on the ij day of July
nixtocum the forme of his said admonitionis in wret, the said
summondis dewlie execute and indorsit, and his buik of disceplein
to be sein and considderit be the brethrein undir the paine of
deprivatioun with certificatioun and he failze in ony of thame he
salbe deprivit simpliciter.
Patrik Layng: In the terme assignit to the brethrein to advys with
the answeris producit be Patrik Layng to the accusatiounis layit
againis him, the said Patrik compeirand personallie, the brethrein,
having red the saidis answeris, fmdis the said Patrik to have wretten
in the beginning thairof ane answer to the first hed of his accusatioun
(as appeiris be the beginning of the secund answer), quhilk
answer the said Patrik hes ryvin away (as he presentlie confessis),
quhilk appeiris to the brethrein to be varie suspicius, and thairfor
commandis him to produce the samin first answer ryvin away, as
said is, befoir the brethrein on the secund day of July nixt
under hiest paine and chairge that may follw be the censuris of the
kirk.
Parrochinneris of Kippen, Chrystis wall: Agnes Grahame, Margaret
Bauchok, Jonet Harvie, Ewffame Mureson, William Kay: The quhilk
day ane summondis beand producit lauchfullie execute and indorsit
upon Agnes Grahame, spous to Robert Lockart in Amepriour,
Margaret Bauchok in Amenanwall, Jonet Harvy, spous to Thomas
Michell in Amebeg, Margaret Wrycht, spous to Robert Harvy in
Amebeg, Elezabeth Galbrayth, spous to Johnne Campbell in
Amgibbon, Cristane Clark, spous to [John] McHenrie in Boclyvie,
Elezaboth Levenox, spous to Johnne McAndro in Boclyvie, Agnes
Blair, spous to Johnne Dow in the garran of Boclyvie, Ewffame
Moreson, dochtir to umquhill Johnne Moresone alias Chapman at
the kirk of Kippen, Jonet Gairdner, spous to Patrik Mcllhois in