Series 4 > Stirling Presbytery Records 1581-1587

128 STIRLING PRESBYTERY RECORDS I581-I587
the said bairne gottin be the saidis personis without ony admissioun
and that abusitlie in ane prophane hous in the Latein langage. For
tryell of the quhilkis, the brethrein ordanis him to be summond to
the nixt sessioun to answer thairfor and sic uthir thingis that salbe
layit unto his chairge undir the paine of disobedience.
Chrystis wall: The quhilk day thair was ane summondis producit
dewlie execute and indorsit upone Margaret Wrycht in Cambus,
Johnne Kidstoun thair and Thomas Patersone in Blak Grainge
chairgeing thame to compeir befoir the brethrein the said day to
answer at the instance of the kirk for passing in pilgrimage to
Chrystis woll and using of superstitioun and idolatrie thairat undir
the paine of disobedience, quhilkis being oft tymis callit compeirit
nocht, thairfor the brethrein ordanis thame to be summond of new
to the effect foirsaid under the paine of excommunicatioun.
William Wingyett: The quhilk day ane summondis beand producit
lauchfullie execute and indorsit upone William Wingyet and Jonet
Johnesone chairgeing thame to compeir the said day to heir and se
thame selffis decemit to be excommunicat for thair contemp and
wilfull insisting in the vyce of fornicatioun without amendiment,
as at mair lynthe is conteinit in the said summondis producit
thairupone, compeirit the said William personallie and promesis to
obey the censuris of the kirk and to abstein in all tymis cuming fra
the said Jonet or ellis marie hir. The brethrein decemis and ordanis
the said William Wingyet to act cautioun in the commissaris buikis
of Striviling betuix and the xviij day of Junij instant that he sail
obey and satisfie the injunctiounis of the kirk for his said offence
and to abstein fra the woman with all possablle diligence or ellis
compleit manage with hir under the paine of xx libis. [excommuni¬
cation, deleted] and this cautioun to be actit, as said is, under the
paine of excommunicatioun.
Robert Leckie: The quhilk day ane summondis beand producit
lauchfullie execute and indorsit upone Robert Leckie of Kepderrocht
chairgeing him to have compeirit the said day to answer at the
instance of the kirk for disobedience to the voice of the sessioun of
his awin parroche kirk of S. Niniane [Clakmannan, deleted] and to
heir and se him self decemit to have committit adultrie with Jonet
Mairtein, yunger, and to underly the censuris of the kirk alswell for
his disobedience to the voice of the said sessioun as for his said