Series 4 > Stirling Presbytery Records 1581-1587

122 STIRLING PRESBYTERY RECORDS I581-I587
day of May the yeir of God foirsaid, I, Robert Mentayth, minister,
at command of the said presbytery past to the said parroche kirk of
Tullicultrie and thair immediatlie eftir the sermond inquyrit the
elderis of the said kirk, beand present for the tyme, gif ony of the
saidis personis haid offerit to ony of thame be thame selffis or be ony
uthir in thair namis obedience unto the kirk, quha answerit to me
negateivlie, and als inquyrit gif the saidis personis or ony in thair
namis wald promeis obedience thairof presentlie to the kirk, quha
promesit nane, and thairfoir I, the said minister, pronuncit the saidis
personis excommunicat and ilk ane of thame according to the ordur
and decreit of the brethrein of the presbytery of Striviling in all
pointis, quhilk I did in presens of the haill pepill conveinit to heir
Godis Word for the tyme, in witnes of the quhilkis, I have subscryvit
thir admonitionis and sentence of excommunicatioun with my awin
hand as follwis. [Signed] Robert Menteht, minister of the evangell.
Johnne Broun: The quhilk day thair was ane summondis producit
befoir us dewlie execute and indorsit upone Johnne Broun, schol-
maistir at Stragaithe, chairgeing him to compeir befoir us the said
day to answer at the instance of the kirk, as at mair lynthe is conteinit
in the said summondis, compeirit the said Johnne Broun personallie,
and being accusit for disobeying ane admonitioun gevin to him be
Mr Alexander Chisholme, minister, in prophaning of the Sabboth
day in playing of clerk playis thairon, withdrawing thairby sindrie
of the pepill fra the preiching eftir the said admonitioun was gevin
to him, the said Johnne denyit the samin, hot confessit gif ony play
was playit on the Sabboth day it was playit be the baimis by his avys.
Secundlie, beand accusit for abusing the sacrament of baptisme and
manage in ministring the same without lauchfull admissioun to that
functioun, the said Johnne denyit simpliciter the ministering ather of
manage or baptisme. The brethrein being advysit with his answeris
ordanis and decemis him to produce the register of the dark play
(playit be his baimis as he allegis) befoir the brethrein on the xj day
of Junij nixt to be sein and considerit be thame, and to heir and se
farther tryell tane anent his accusatiounis under the paine of dis¬
obedience, the said Johnne wamit thairto apud acta.
Disobedients in Dunblane: The quhilk day thair was ane summondis
producit befoir us dewlie execute and indorsit upone George Dugall
at brig end of Dunblane, Thomas Quhyttat, servand to Thomas