Series 4 > Stirling Presbytery Records 1581-1587

STIRLING PRESBYTERY RECORDS I581-I587 93
said day to heir and se him self decemit to have committit the said
adultrie, as at mair lynthe is conteinit in the said summondis, the
said Thomas being oft tymis callit compeirit nocht. Thairfor the
brethrein ordanis him to be summond of new to the effect foirsaid
undir the pane of excommunicatioun.
Mr Andro Grahame: The quhilk day being appointit be the breth¬
rein to avys with the inventar of the fewis, takis and pentionis gevin
and sett be Mr Andro Grahame, bischop of Dunblane, of the
bischoprik thairof sen his entrie thairto, the brethrein findis that the
said Mr Andro confessis thairin that the fewis and takis sett be him
sen his entrie ar set for the auld dewatty withe the pultrie, carrage of
pettis and uthir arrage and carrage astrictit of auld to the bischop
thairof, and the brethrein nocht being certefeit gif the pultrie,
carrage of pettis and uthir arrage and carrage was now payit to the
said bischop as thai war of auld or nocht. Thairfor the said Mr
Andro, beand requyrit be the moderatour to declair the trewthe
thairof, confessit that he hade sett the pultrie, carrage of pettis and
uthir arrage and carrage for silvir hot rememberit nocht the speciall
sowme thairof and thairfoir confessit thai ar nocht now payit to the
plaice as of befoir.
The brethrein being avysit with the said inventar producit be the
said Mr Andro Grahame findis, in generall, that be the fewis and
takis sett be him of the bischoprik of Dunblane that he hes hurt the
patrimony thairof and for tryell of the speciallis thairof appointis
and gevis commissioun to James Andirsone, moderatour, Patrik
Gillaspie, Mr James Pont, Umphra Cunynghame and Mr Alexander
lule to avys thairupone and to report thair jugementis to the nixt
sessioun on the xxvj day of Fabruar instant, the said Mr Andro
wamit thairto apud acta.
The brethrein being avysit with Mr Andro Grahamis answer
made to that part of the act of the generall assemblie, viz., for non-
preiching of the Word and administratioun of the sacramentis and
considderit his excusis thairin fmdis his saidis excusis nocht sufficient
to excuse his absence fra his kirk the speace of ane haill yeir and
thairfor decemis him convict of that part of the said act, viz., in
nonpreiching of the Word, administratioun of the sacramentis the
speace of ane haill yeir according to his awin confessioun.
Farder, the said Mr Andro being accusit gif he hade preichit or