Series 4 > Stirling Presbytery Records 1581-1587

78 STIRLING PRESBYTERY RECORDS 1581-1587
as yit on thair said decreit, thairfor the brethrein ordanis and
commandis Alexander Fargy, minister to the saidis personis, to
proceid this nixt Sonday publictlie to the first admonitioun againis
the said James and Jane and to report his executioun thairof to us in
the nixt sessioun as he will answer thairupone.
Adulteraris in Tullicultry: Robert Mentayth, minister at Alvayth,
beand requyrit gif he hade admonesit lauchfullie according to the
ordur William Wat in Tullicultrie and Jonet Dugy (quha ar decemit
to be excommunicat) to obey the kirk and disceplein thairof befoir
the pronunceing of the sentence of excommunicatioun againis
thame, the said Robert Mentayth ansorit that he hade admonesit
lauchfullie the saidis personis twa sindrie Sondayis and saw na
repentence of thair disobedience nor fault. Thairfor the brethrein
ordanis the said Robert to proceid according to the ordur and report
his executionis to the brethrein.
Mr Andro Graham: The quhilk day Mr Andro Grahame being
desyrit to produce ane new inventar contening the haill fewis and
takis, alsweill of landis as of teindis, sett be him of the bischoprik of
Dunblane conform to the ordinance made in the last sessioun, the
said Mr Andro compeirand personallie and declairit that inrespect of
schortnes of tyme he had nocht as yit rememberit sufficientlie on all
sic things as he was ordeinit to specefie in the said inventar and
thairfor promesit to avys farther and produce the said inventar the
xxij day of Januar instant.
Petzallany contra Mr Andro Grahame: In the terme assignit to Mr
Andro Grahame to answer to ane reply produced be Johnne
Drummond of Petzallany compeirit the said Mr Andro and producit
ane answer thairto, as it beris in the self, with the quhilk and reman¬
ent proces deducit betuix the saidis parteis the brethrein will advys,
as thai find occasioun.
Bischop off lyllis: The quhilk day ane summondis beand producit
lauchfullie execute and indorsit upone Mr Johnne Campbell, bischop
of lyllis, chairgeing him to compeir the said day to answer upone
the heddis conteinit in ane act of the generall assemblie, as at mair
lynthe is conteinit in the said summondis, compeirit the said Mr
Johnne personallie at quhais desyr the brethrein assignit to him the
xxij day of Januar instant to answer to the heddis conteinit in the
said act and everie ane of thame as he salbe particularlie demandit,