Series 4 > Stirling Presbytery Records 1581-1587

76 STIRLING PRESBYTERY RECORDS I581-I587
the ordur of the kirk to Duncane be the nixt Sonday that he obey
the voice of the kirk and satisfie the command thairof undir the
paine of excommunicatioun and the said William to report his
executioun againe to the sessioun.
Mr Andro Graham: The quhilk day being assignit to [be, deleted] the
brethrein to pronunce thair avysment on the inventar of the fewis
and takis sett be the bischop of Dunblane of the bischoprie thairof
producit be him, the brethrein being ryplie avysit thairwith findis
the samin nocht sufficient nathir in generall nor particular. First,
tuiching the generall, quhair all delapidatioun of the patrimony of
the kirk is devydit be him in twa heddis, viz., in setting of landis in
few and in setting of teindis in tak within the just availl, quhilk
divisioun is fund be the brethrein nocht to comprehend the haill
pointis of dilapidatioun becaus dilapidatioun may be in setting of
lang takis of landis within the just availl or lyverentis alsweill as
fewis, and in geving of pentionis in lyverentis out of the patrimony
to temporall personis. Secundlie, as tuiching the particularis, the said
Mr Andro in the inventar producit be him confessis that thair is mony
landis and teindis of the said bischoprie set be him sen his entrie bot
specefeis nocht quhw lang speace the takis ar sett nor for quhat
yeirlie dewatty nor for quhat pricis ilk boll of victuell is sett for,
alsweill of the few landis as of the takis of teindis, nather yit quhat
was the auld dewatty befoir the setting sett be him, lykwys nocht
specefeand qua possessit the landis and teindis of befoir and quhome
to thai ar sett now, and thairfoir the brethrein ordanis the said Mr
Andro to gif in and produce befoir thame the xv day of this instant
ane new inventar concerning the haill fewis and takis alsweill of
landis as of teindis set be him and pentionis gevin be him to quhat-
sumevir persone sen his entrie with direct answer in everie ane of
thame to everie ane of the heddis abone writtin. The said Mr Andro
Grahame being desyrit to declair gif he hes sett ony of the assumit
thrid of the bischoprik of Dunblane to ony persone or personis, the
said Mr Andro confessis he hes set nane thairof and promesis to sett
nane of the samin in tymis cuming. The said Mr Andro is admonesit
nocht to styll him self bischop in tymis cuming nather be word nor
wrett according to the ordinance of the generall assemblie.
Buikis of disceplein: It is thocht gude and ordeinit be the brethrein
that ilk minister within the boundis of this presbytery bring and