Series 4 > Stirling Presbytery Records 1581-1587

74 STIRLING PRESBYTERY RECORDS I581-I587
complent producit be him aganis the said Mr Andro Grahame he
producit ane inventar of the yeirlie dewattie pertening to the
bischoprik of Dunblane (as he undirstude), as it beds in the self.
Johnne Waltir, adulterar in S. Niniane parrochin: The quhilk day
compeirit Johnne Waltir in Touchadame, adulterar withjonet Clark,
the man mareit, and confessit his lang disobedience to the kirk and
contravening of our ordinance and injunctioun gevin to him on the
vj day of Fabruar last bypast and thairfoir submittis him self in will
of the brethrein and promesit to obey the same in tymis cuming.
The brethrein, having diligentlie wyit and considderit his lang
disobedience and cryme of adulterie committit be him, decemis and
ordanis him to mak publict repentence at the plaice appointit for
penitenttis in his parroche kirk of S. Niniane ilk Sonday quhill the
brethrein be satisfeit thairwith undir the paine of excommunicatioun
with certificatioun and he failze we will direct summondis simpliciter
for pronunceing of the sentence of excommunicatioun againis him.
At Striviling the viij day of Januar, 1582
Presentes: James Andirsone, Patrik Gillaspie, Mr Andro Grahame,
Mr William Stirling, Michaell Lermonthe, Mr Arthur Futhie, Mr
Andro Yung, Alexander Fargy, ministeris; Mr James Pont, com¬
missar of Dunblane, Umphra Cunynghame, commissar of Striviling,
Mr Alexander lule, Robert Alexander, William Norwall, elderis;
William Striviling; William Drummond of Miln of Nab, minister;
Sir James Stirling of Keir, knycht, provest.
William Stirling: The quhilk day ane summondis beand producit
lauchfullie execute and indorsit upone William Stirling, reder,
chairgeing him to compeir this day to answer at the instance of the
kirk for his absence fra the exerceis certane dayis conteinit in the said
summondis, compeirit the said William Stirling, and, being desyrit
be the moderatour to declair the caus of his absence fra the exerceis
and nocht awaitting to teiche in the secund plaice on the iiij day of
December last bypast and lykwys for his absence on the xj day of the
said moneth and nocht making of the exerceis on the samin day as he
aucht to have done, answerit that ane lytill befoir the first day of his
absence he fell and hurt his leg that he mycht nocht keip nane of the
saidis dayis, quhilk excuse the brethrein fand ressonablle. Secundlie,