Series 4 > Stirling Presbytery Records 1581-1587

STIRLING PRESBYTERY RECORDS I58I-I587 35
Mr Robert Montgumrie: The same day the brethrein was advertesit
be ane wreting send fra the brethrein of Edinburgh befoir specefeit
that thair was letters alreddie directit furth at the desyr of Mr Robert
Montgumrie to chairge the brethrein of Glasgw to admit him to the
archebischoprik thairof, quhilk thing the brethrein undirstanding to
be contrarie to the act of the generall assemblie, and also his awin
promeis made befoir thame, ordanis that sasone as the saidis letters
salbe put to executioun chairgeing the brethrein of Glasgw thairwith
that ane summondis be direct to chairge the said Mr Robert to
compeir befoir thame to heir and se him self decemit to be excom-
municat becaus that he wittinglie and willinglie hes brokin the said
act of the generall assemblie concerning the trublein of the brethrein
of Glasgw with his admissioun to the archebischoprik thairof, and
falsefeing of his awin promeis foirsaid made befoir thame, with
certificatioun that the brethrein will decern the sentence of excom-
municatioun to be pronuncit againis him with advys of the brethrein
conteinit in the act of the generall assemblie befoir specefeit in caice
he laif nocht the sute of the said archebischoprik and trubling of his
brethrein with his admissioun thairunto and als refuse to accep the
said archebischoprik upone him, becaus the sam is ane functioun
quhilk hes na warrand in the Word of God.
The vj day of Merche, 1581
Presentes: Patrik Gillaspie, Mr Andro Yung, Thomas Swintoun,
Michaell Lermonthe, Patrik Layng, Robert Mentayth, Alexander
Fargy, Johnne Broun, Mr Alexander lule, Mr William Stirling,
yunger, William Stirling, Alexander Forester of Garden, Johnne
Schaw of Bruigh, Alexander Patersoun [William Stirling, deleted],
William Norwall, Robert Alexander.
Huchoun, Stalkar: The brethrein continewis the avysment of the
actioun betuix Johnne Huchoun and Marione Stalkar to the sicht of
the proces led thairintill befoir the brethrein of Dunblane.
Henrie Graham and Elezabeth Millar: The quhilk day ane sum¬
mondis beand producit lauchfullie execute and indorsit upone
Henrie Graham and Elezabeth Millar to haif hard farther tryell tane
in the actioun of adultrie allegit and persewit be the said Elezabeth
contra him, the said Henrie being oftintymis callit, compeirit nocht.
F