Series 4 > Stirling Presbytery Records 1581-1587

l6 STIRLING PRESBYTERY RECORDS I58I-I587
undir protestatioun nocht admittand the elderschip of Striviling to
be jugis to him hot insafar as law will and als undir protestatioun
that he confessis nocht that he at ony tyme hade refusit to obey the
actis and ordinancis of the kirk safar as thai micht be extendit to
himwart, and adherand thairto allegis that he on nawayis is obleist
to entir and adjone him self to the presbytery of Striviling in
exerceis and offeice of elderschip be vairtew of the act affoir
mentionat, and that becaus the said act was made for thame that was
ministeris at Dunblane and chairgit be the brethering of Striviling
to have adjonit thame to the presbytery of Striviling according to
the tennour of the act of the generall assemblie maid at Glasgw and
had refusit. And it is of veretie that the said Mr Duncan Nevein is
nocht ane minister and thairfor was nocht chairgit to adjone him to
Stirling befoir the last generall assemblie. Nathir yit was thair evir
ony intimatioun of that act made to him, and swa he can nocht be
jugit to haif bein ane refusar to gif obedience to the voce of the kirk,
he nevir being chairgit to obey the same act, as said is, nocht grantand
that it concemit the foirsaid Mr Duncane in ony part thairof. And
quhair it may appeir and be objectit that this act of the last generall
assemblie concernis the said Mr Duncane becaus it is of veretie that
he hes usit the first and secund plaice in the exerceis of Dunblane
thir dyveris yeiris bygane quhen his cours come in ordur amang the
brethrein and becaus he is jugit worthie be thame to be ane
minister and hes consentit to accept that offeice. And thairfor he is
obleist to entir in Striviling to the exerceis. Thairto, this it is ansorit,
that the said Mr Duncan consentit to accept the offeice of ministrie
gif thair war fund ane kirk vacand neirby Dunblane and he provydit
of ane sufficient stipend for his serveice thairat, quhilk as yit is nocht
done. And althocht that he of his awin fre will for love that he hade
to the Word of God, and becaus the kirk was within ane stane cast
to his scholle usit the exerceis in Dunblane, it follwis nocht that he
sould be compellit to laif his schoill and the prayeris onsaid upone
ane prayer day and gang four myll to ane exerceis and swa tyne the
proffeit and commodetie that he hes for his scholle and prayeris, he
nathir beand ane minister, as said is, nor yit provydit to ane suf¬
ficient stipend. And for thir ressonis and utheris contenit in the
uther two wretingis producit for the part of the said Maister
Duncane in presence of the brethrein heir and in respect that the