New Spalding Club > Records of Elgin > No. 36, 1908

124 RECORDS OF ELGIN. [1604.
to returne to the landimairis as they se occasioun. The bailyeis to speik
the headis of craftis to stay fra this prophaine pastyme in respect of the
estait of this present tym of the fame and rumour of the pest, and all
the honest men of the towne to be present at the evenyng prayeris.
May 28th. — Margat Yowngsone deponis that scho hard Helen Haye
saye to Thomas Robertsone theififie, theiffie.
May 31st. — Burnet, a woman of Aberdeen, to be warnit againe
Fryday nixt to ken quhairfra scho cam. Andro Adamesone inhibit to
hant my Lord Huntleis yeard the tyme of the sermone.
June 1st. — Sic persones as remowis out of onie uther paroche to this
paroche sail bring a testimonyall of the minister of that paroche
quhairfra thei com, undir the paynes of excommunication and a
pecuniall penaltie. The yowthe inhibit to keip forward thair May
playis.
June nth. — Vulsone. — George Duncane sleipand in his buith at cftir
nowne. Williame Wilsone and his wyff yeid furth eftir none and brocht
hame burdingis. John Culbakis cart full of pottis and James Donald-
sone another cart. Charlie Thornetowne [and three others] at the port
bowlis eftir and befor nowne.
June 13th. — Cartage on the Sabboth. — Sic personis as transportis
thair geir on Sondaye sail pay a pecuniall pennaltie efter the habilitie of
the persone for the first and gif found relaps to double and mak publict
repentance.
June 17th. — Delaitted Alexander Cruschank with the folkis of
Barmukattie and aucht hors with cartis going throw the colledg to the
Deanis carrag.
The minister intimit to the bailyeis that thei apprehend John Grantt
of Carrone, e.xcommunicat, utherwayis he will complein to the Lords of
Counsell upon them gif thai suffer him to com within this burgh and be
resaitt in loudging with anye inwith the samyn.
June 19th. — Isbell Cumyng admonishit undir the paynes of excom-
munication nocht to ressaw John Grantt of Carron in to ludging.
Williame Innes delaited ane Cowie singand on the calsay on Sonday
last at iwining. Effie Cowie denyit that scho knew nocht quho was
singand under John Geddes stair.
Williame Skynner to mak his publict repentance ane Sonday and pay
half mark to the puir for bein drunkin on the Sabbothe day.