Maitland Club > Miscellany of the Maitland Club > Volume 3, Parts 1 and 2

1611. AGAINST THE CLANGREGOUR. 17
the said Clangregour thair wyffis or bairnis nor to keepe conventiones
tryistis nor meetingis with tliame, nor to ressett or hurde thair goodis or
geir or to mak blokis and barganis with tharae thairanent under the pain
to be repute haldin and estemit as arte and parttakaris with thame in all
thair wicked deidis Certifieing thame that failzeis and does in thecontrair
That not onlie sail thay be persewit and punist thairfoir in thair personis
with all rigour and extremitie, bot thay thair personis landis and goodis
salbe proclamed free to his Majesties Commissionaris who ar imployed in
service aganis the Clangregour to be persewit be thame with fyre and
sword as yf thay wer of the race of M c gregour thame selffis.
Forsamekle as the wicked and rebellious thevis and lymmaris callit
the Clangregour who so long hes continewit in committing of all kynd of
iniquitie and barbaritie upoun his Majesties peaceable and goode subjectis
in all pairtis whair thay may be maisteris and commanderis, being
now dispairit and out of all hoip to ressave ony favour or mercye seeing
thair awne guiltie consciences beiris thame testimonie and recorde that
thair detestable and barbarous conversatioun hes so far exceidit the
limitis of grace and favour as no thing can be expected, bot his Majes-
teis just wraith to be prosequute aganis thame with all severitie Thay
haif now amassit thame selffis togidder in the yle of the loiche of Loch-
kitterine whilk thay haif fortifeit with men, victuall, poulder, bullett and
uther weirlike furnitour, intending to keepe the same as ane place of
wear and defence for withstanding and resisting of his Majesties forceis
appointit to persew thame ; And seeing thair is now some solide and sub-
stantious course and ordour sett downe how thir woulfEs and thevis may
be persewit within thair awne den and hoill by the force and pouer of
some of his Majesties faithfull and weill affectit subjectis who freelie haif
undertane the service and will prosequute the same without ony privat
respect or consideratioun ; Necessair it is for the executioun of this service
that the haill boittis and birlingis being upoun Lochlowmond be trans-