Bannatyne Club > Correspondence diplomatique de Bertrand de Salignac de la Mothe Fénélon

— 418 —
jour deniers ayant aulcuns persuadé à ceste Royne de lever
promptement , par lettres de son privé scel adressantes
aulx particulliers bien aysés de son royaulme, ung em-
prunct de cent mille livres esterlin , qui est trois cens trente
trois mille escuz , et d'enjoindre bien estroictement aulx
merchans de ceste ville de ne faillyr à l'accomplissement
du party de xl mille livres esterlin, qu'ilz ont promiz met-
tre ez mains du S', de Quillegrey en Hembourg, pour en
estre rembourcez de deçà; ce que je crains, comme je vous
ay desjà mandé, Sire, eslre faict au proffict et intention
de ceulx de la nouvelle religion, nonobstant qu'on me
veuille asseurer du contraire : mais je suys après à procu-
rer, s'il est possible, que l'ordre du susdict emprunct de
cent mille livres, soit interrompu, et icelluy, des xl mille *
d' Hembourg, révoqué, non sans espérance d'y pouvoir,
en l'un et l'aultre, fère venir de l'empeschement , ou au
moins du retardement.
L'ambassadeur d'Espaigne, qui est icy, est souvant re-
cerché d'entrer en composition sur le faict de ces prinses
et saysies , mais il a pour si suspect le secrétaire Cecille ,
qui est celluy qui luy en faict principallement parler, que ,
pour attandre que l'ouverture en viègne d'aultre main, la
matière s'en prolonge toutjour davantaige; mais j'ay quel-
que adviz que, .par le moyen d'un Itallien, nommé Berty,
secrétaire d'Estat en Flandres, et du S". Guydo Caval-
canty, qui est icy, il se dresse une secrecte et mutuelle
pratique , des deux costez , pour accorder ces différandz :
ce que je ne voys, toutesfoys , qu'il puysse réussyr encores
de long temps, si le Roy d'Espaigne n'y veult laysser cou-
rir assés de sa réputation , et beaulcoup des biens de ses
subjectz .