Bannatyne Club > Correspondence diplomatique de Bertrand de Salignac de la Mothe Fénélon

— 387 —
s'est encores présenté en ceste cour, ny n'est encores arrive
en ceste ville, et semble qu'il ne sera guièresbien venu de
ceste Royne pour la recordation, qu'elle a, du premier
voyage qu'il fyt icy, aulx premiers troubles, et, aussi,
qu'elle a opinion qu'il faict ce second, meintennant, pour
habandonner la cause de ceulx avec qui il a toutjour esté ,
et qu'elle a «attendu qu'il s'est maryé contre l'opinion de
la Royne de Navarre et au regrect des principaulx de leur
Irouppe.
L'on faict icy cependant grand dilligence, parmy ceiilx
de la novelle religion , de dresser ung party pour fère for-
nyr deux cens mille talars en Allemaigne pour l'armée du
duc de Deux Pontz ; et semble que desjà il y ayt certaine
asseurance d'en pouvoir fère avancer la moictié par les
mains du S' . de Quillegrey, qui est en Hembourg (qui ne
se peult fère que le crédict de ceste Boyne, ou du corps
en général deceroyaulme, n'y soit enployé) , et que l'aultre
moictié se fornyra, à ce prochain mois de juing, aussi
tost que la flotte des draps de Londres sera arrivée par
dellà. En quoy, Sire, ceulx cy ont de quoy coUorer et ex-
cuser si bien leur faict, qu'il est mal aysé que je les en
puisse convaincre, encores semble il qu'il fault accepter le
désadveu et excuse qu'ilz en font, pour quelque bien, en
ce qu'ilz n'ozent manifestement vous offancer. Je feray en-
cores dilligence de descouvrir mieulx ce qui en est ; tant
y a qu'il fault fère estât que les quarante mille livres estera
lin , revenans à cent trente trois mille escuz , qui doibvent
estre mises ez mains du dict S' . de Quillegray, de la vante
des draps de ceste flotte, est aultant d'argent contant pour
ceulx de la nouvelle religion en Allemaigne. La dicte flotte,
qui va en Ilembonrg , n'a eu encores que demy jour de