Bannatyne Club > Correspondence diplomatique de Bertrand de Salignac de la Mothe Fénélon

- 355 —
M', le comte de Lestre, ilz ont clairement, et de fort
bonne sorte, tretté avecques moy de toutes les susdictes
particularitez , me priant leur bailler , par escript , ung
sommaire des propoz que j'avois tenuz à la dicte Dame
et des choses que je luy avois recjuises , avec grandz pro-
messes dem'ysatisfère si bien que j'en demeurerois contant.
Ce que j'ay faict en la forme que Votre Majesté verra , et ,
dans deux jours , j'espère en avoir leur responce ; vous
ayant cependant , Sire , voUu fère la présente , pour vous
tenir toutjour adverty de ce qui se passe icy , et comme
j'ay parolle et promesse, avecques serment, de ceste prin-
cesse et de ceulx de son conseil , qu'en toute ceste flotte
de la Rochelle il ne va hommes de guerre, armes, artille-
rie, pouldres ny monitions, d'où Votre Majesté puisse estre
en rien ofl"ancée , ny ceulx du dict lieu secouruz , et que
leur ayant , pour le dict sel et viri , desjà esté avancé l'ar-
gent , lequel est desjà despandu , c'est aultant de leurs vi-
vres quon leur va meintennant enlever.
La flotte pour Hembourg , qui est d'envyron xxvnj
vaysseaulx, toutz bien équipez et chargez de draps et de
laynes , à la valleur, comme on dict , de sept cens mille es-
cuz , est desjà avalée contre bas ceste rivière avec sept des
grandz navyres de guerre de ceste Royne, les Jnieulx pour-
veuz et armez qu'il est possible, et M'. Oynter pour les
conduyre. 11 semble qu'il se mène quelque pratique pour
fèrc, au dict Hembourg, mettre ez mains de Quillegrey
une somme de deniers par le mandement des marchantz de
ceste ville qui en seront rembourcez par deçà, et que
mesmes l'on y apporte ung nombre d'angellotz en espèces :
je mettray peyne de sçavoir mieulx ce qui en est. J'en-
tendz que le vydame de Chartres et une dame, qu'on dict