Bannatyne Club > Correspondence diplomatique de Bertrand de Salignac de la Mothe Fénélon

— 328 —
une soublévation , dont , pour cest efiect , ont envoyé veoir
ce qui se faisoit par les maisons de la ville, soubz ombre
de visiter si l'on y avoit la provision d'armes qui est re-
quise par l'ordonnance du pays.
Du costé d'Escoce , ne se sçait encores à quoy s'est ter-
miné la conférance de l'Islebourg , du x' d'avril : seulement
a esté escript , de Warwic , que les seigneurs s'y estoient
trouvez et que envyron trois centz chevaulx escouçoys
avoient couru jusques bien prez du dict Warwic , d'où l'on
estoit entré en soubspeçon de quelqu'entreprinse sur la
place, ou bien qu'ilz venoient enlever la Royne d' Escoce ;
mais n'y a aparance ny de l'ung ny de l'autre : plus tost
fault croire que les dictz Escouçoys sont encores en armes
et qu'ilz courent ainsy le pays , ou que l'on estoit venu là
contre les bandolliers.
Mesmes qu'il semble que les comtes d'Ârguil et d'Athole
n'ont consenty à l'accord dernièrement faict entre le duc
de Ghatellerault et le comte de Mora , entendans que le dict
duc avoit esté intimidé par la Royne d'Angleterre , quant
il partit naguières de ce pays , qui luy avoit dict qu'elle
aprouvoit les actions du susdict comte de Mora et de ses
associez , et que si luy, estant en Escoce , ne recognoissoit
à Roy le petit prince, qu'il n'espérât jamais avoir support
d'elle, ains qu'elle luy nuyroit en tout ce qu'elle pourroit.
Dont craignant la ruyne de luy, et de ses enfans, et , estant
aussi pratiqué par vaines promesses , avoit condescendu à
ce qu'il ne vouloit ny debvoit contre sa Mestresse , dont les
aultres ne s'y estoient voulluz soubscripre.