Bannatyne Club > Correspondence diplomatique de Bertrand de Salignac de la Mothe Fénélon

— 3t2f5 —
Anglois, l'on luy a ayséement persuadé que, de son costé,
elle debvoit aussi , à bon escient, armer.
Dont , sur l'occasion d'une riche flotte de draps, d'en-
vyron cinq ou six centz mille escuz , qui doibt partir bien
tost de ceste ville de Londres pour aller à Hembourg, la
dicte Dame, pour la conduyre plus seurement, a com-
mandé armer dilligentment sq)t de ses meilleurs navyres
de guerre , et bien équiper tout le reste de la dicte flotte ,
qui sera , en tout , de xxij grandz vaysseaulx , oultre les pe-
titz, qui yront en compaignie, et a faict venir deux mille
cinq centz des meilleurs mariniers d'Angleterre pour met-
tre dessus , où plusieurs gentishommes dellibèrent s'enbar-
quer; et, avec cest équipaige, veult qu'on la passe à la
veue de Holande et Zélande, bien que, par la relation de
Rouvray et Valfenière, qui sont naguières venuz d'Alle-
maigne et passés par Flandres, elle a entendu que le dict
duc a quarante cinq navyres prestz et bien armez pour les
empescher ; dont elle faict dilligenter davantaige le parte-
ment des siens aflin de prévenir l'appareil que le dict duc
pourroit fère plus grand, et espèrent que ceulx de Hem-
bourg, et le Roy de Dannemarc, dresseront aussi armée
pour les venir recuillir.
J'entendr que , n'ayant ceulx de la novelle religion peu
recouvrer deniers en ceste ville, sollicitent que M^ Gras-
san , facteur de la dicte Dame , passe avec la dicte flotte en
Hembourg pour en fère trouver de dellà; et le S', de Yoy-
sin , de Normandie , qui avoit esté dépesché par ceulx de la
Rochelle , auparavant la bataille , pour venir devers ceste
Royne et puis passer en AUemaigne , print hyer son passe-
port pour continuer son voyage , luy et douze gentishommes
et huict serviteurs , et croy que l'homme du duc de Deux