Bannatyne Club > Correspondence diplomatique de Bertrand de Salignac de la Mothe Fénélon

mens que le duc d'Alve avoit faict à ses dicts subjectz en
Envers, et qu'elle voyoit bien qu'on entreprenoit en
France de pourter le faict du dict duc contre elle , et que
mesmes l'on avoit constitué prisonniers en son nom aul-
cuns Ânjïlois à Bouloigne , qui estoient là eschappez de ses
mains ; dont elle avoit grande occasion de regarder de prez
à ses affaires , et que , sans double , elle essayeroit toutz les
moyens et remèdes qu'elle pourroit ])our les bien asseurer.
A quoy j'ay respondu que la dicte Dame ne se debvoit
aulcunement esmouvoir pour ces petitz accidens , qui
estoient advenuz , sans votre sceu et contre votre volonté,
par le seul désordre des temps, et que là , où il faudra faire
preuve de votre intention en ses affaires, qu'elle l'y trou-
vera bônîTe et droicte, jouxte la déclaration de paix et
d'amytié que Yoz Majestez luy ont faicte : et ay miz
toute la peyne que j'ay peu de luy diminuer l'impression
qu'elle pouvoit prendre du contraire, vous suppliant.
Madame, faire encores quelque bonne démonstration à
son ambassadeur pour m'ayder à la luy oster du tout ;
car ayant icy plusieurs choses prez d'elle qui me sont
toutes contraires, soit de sa religion, ou de l'ancienne
inclination de ce royaume contre la France, ou de la
récente mémoire de Calais, ou des traverses qu'elle crainct
advenir de votre costé ez choses d'Escoce ou ez propres
de son royaume , quant ceulx de la novelle religion seront
veincuz , ou bien encores l'occasion qui luy semble se pré-
senter fort bonne meintennant de la division et adversité
de votre royaume pour y pouvoir entreprendre quelque
chose , et sur tout la vifve sollicitation de ceulx qui ont
auctoritéet crédict prez d'elle, tant siens que estrangiers,
qui la vouldroient desjà voir aulx mcins et toute dédairée