Bannatyne Club > Correspondence diplomatique de Bertrand de Salignac de la Mothe Fénélon

— 258 —
vouloit toutjour prédire qu'il apparoistra bien tost de plus
grandes forces qu'on n'a encores veu pour le soubstien de sa
religion, et qu'elle prioyt Dieu que rien n'en vînt à vostre
dommaige. Et en cest endroict, je prieray Dieu qu'il vous
doinct, etc.
De Londres ce xnj'' de mars 1569.
Geste Royne faict dépescher ung homme exprès devers
son ambassadeur qui luy apportera les lettres qu'elle luy
escript.
MÉMOIRE POUR COMMUIMOUER A LA ROYNE,
Prenant promesse d'elle que n'en parlera à personne du monde.
Le S'. Roberto Ridolfy, Florentin^ ayant receu charge
et commandement , de la propre personne du pape , de tret-
ter de la restitution et restablissement de la religion ca-
tholique en Angleterre avec les seigneurs catholiques du
pays, il s'est principallement adressé au comte d'Arondel
et à milhord de Lomeleij , ausquelz auparavant il avoit eu
affaire pour quelques sommes qu'il leur avoit prestées, ce
qui luy a donné grand moyen de pouvoir, sans soubspe-
çon , négocier meintennant avec eulx , lesquelz il a trouvé
fort disposés à son désir, mais non assés hardiz pour y ozer
rien entreprendre , si le duc de Norfolc ne se mettoit de la
partie, lequel a esté très difficille à gaignerj mais enfin
s'estant layssé persuader, il prend , à ceste heure , plus à
cueur la matière que ne faisoient les aultres deux; et,
I. Tous les noms mis en italique avaient été laissés en blanc par le se-
crétaire; ils ont été remplis ensuite, sur le registre, de la propre main de
l'ambassadeur.