Bannatyne Club > Correspondence diplomatique de Bertrand de Salignac de la Mothe Fénélon

— 173 —
dedans; d'autre part les dicts quatre viscontes n'ont perdu
le temps où ilz estoient, ayant priz et miz à feu et à sang
la ville de Gaillac, en laquelle plusieurs cruaultés avoient
esté commises avec grande animosité contre ceulx de la re-
ligion. Comme aussi la basse ville de Carcassonne a esté
prinse par eulx, et douze et quinze aultres villes. Monsieur
de Gramont, au pays de Basque, a aussi deflaict le S^ de
Luxe qui avoit levé quatre mille hommes contre ceulx de
la religion, et a gaigné surluy quelques pièces d'artillerye
qu'il avoit.
Quelques jours au paravant , le cardinal de Lorraine
voyant que, de son costé, les afleres n'avoient le succez
qu'il avoit espéré et desseigné, fut cause que la Royne dé-
pescha le sieur Portai pour faire quelque ouverture de paix
avec les dicts sieurs Princes ; auquel a esté faict responce
pareille de celle du maistre des requestes Malassize , que
avoit aussi esté envoyé à ceste mesme fin de la part de la
dicte Dame; qui est telle que, pendant que le cardinal de
Lorraine et ses adhérans tyranniseront sur la France, et
mesmes sur le conseil du Roy, duquel ilz ont chassé et es-
loigné monsieur le Chancellier et les principaulx officiers de
la coronne, on n'acceptera aulcunes lettres ny mandemens
faictz soubz le nom de Sa Majesté, sinon comme venans
de la forge et invention du dict cardinal ; et qu'on avoit tramé
tant de perfidies ez trettez de paix précédans, que ceulx de
la religion ont esté réduictz à ceste extrémité de croire qu'il
n'y a aucune sûreté pour eulx , que par le moyen des armes.
Despuys, lacompaignye de M' . Divoy surprint, le pénul-
tiesmededécembre,aulxfaulxbourgsdeChinon,80Suysses,
et le prévost, et les archiers de Monsieur, frère du Roy, le-
quel estoitdellàl'eaue, prenant l'alarme, deslogea de vistesse.