Scottish Text Society publications > Old series > Historie and cronicles of Scotland > Volume 1, 1899

374
CRONICLIS OF SCOTLAND.
The honest burges cled zow sould haue seine
sum in scarlat and sum in claith of grane1
for to haue met thair lady souerane
Prowestis baillies and lordis of the toun
The senatouris in ordour consequent 5
Cled into silk and purpur blak and browne;
Syne the gret lordis of the parliament
With mony knichtlie barroun most potent2
in silk and gold in cullouris comfortabill
Bot now alaice all turned vnto sabill 10
1, foi. 85 a- Syne all the lordis of religioun
and princes of the preistis venerabill
full plesandlie in thair processioun
with all the cuning clairkis honourabill
bot thiftuouslie thow tyrane tresonabill 15
All thair gret solaice and solempniteis
Thow turned vnto dulfull deirgeis
Syne nixt in ordour passand throwch the toun
Thow sould haue hard the din of instrum entis
of tabrowne trumpet Schalmes and clairioun 20
with reird redoundand 3 throche the dementis
The heraulds with thair awfull westmentis
with maseris vpone ather of thair handis
To rewle the preis with burnest siluir vandis.
Syne last of all in ordour tryvmphall 25
That most illustar princes honourabill
with hir the lustie ladyis of Scotland
quhilk sould haue beine ane sicht most delectabill
hir 4 rayment to reheirs I am nocht abill
Of gold and perle and pretious stonis bricht 30
Twinkling lyk starris into ane frostie mcht.
1 “Grane.” See Glossary. ^
2 “ And banrent ” is the reading of Lyndsay. 3 “ Redoundant.’
4 “Hir” should be “thir.”