Scottish Text Society publications > Third series > Works of Sir David Lindsay of the Mount, 1490-1555 > Volume 1, 1938

248
THE SECVND BVKE
He wes ane Gyane stout and strang ;
Perforce wyld beistis he doun thrang.
The peple of that hole Regioun
Come vnder his Dominioun.
No man thare wes, in all that land,
His stalwartnes that durst ganestand.
No maruell wes thocht he wes wycht :
Ten Cubitis large he wes of hycht,
Proportionat, in lenth and breid,
Afferand to his hycht, we reid.
He grew so gret and glorious.
So prydefull and presumptuous.
That he come Inobedient
To the gret God Omnipotent.
This Nemrod was the principall man
That first Ydolatrye began.
Than gart he all the peple call
To his presens, boith gret and small, 1670
And, in that gret conuentioun.
Gene. xi. Did propone his Intentioun.
My Freindis (said he) I mak it knawin
The gret wengeance that God hes schawin,
In tyme of our fore Father Noye, 1675
Quhen he did all the warld distroye,
[F ia] And dround thame in ane furious flude :
Quharefor I thynk we sulde conclude
Quhov we maye make one strang defence
Aganis sick walteris violence, 1680
For to resyste his furious Yre,
Contra[r]ye boith to flude and fyre.
Latt ws go spye sum plesand feilde,
Quhare one strang biggyng we maye beilde.
One Cityie, with ane strang Dungeoun, 1685
That none Ingyne may ding it doun.
So heych, so thike, so large, and lang.
That Code tyll ws sail do no wrang.
Itt sail surmonte the Planetis sewin,
That we frome Gode may wyn the hewin.
1655
1660
1665
1690