Scottish Text Society publications > Third series > Works of Sir David Lindsay of the Mount, 1490-1555 > Volume 1, 1938

THE DREME OF SCHIR DAUID LYNDESAY.
The quhilk was fixit full of stems brycht,
Off figour round, rycht plesand and perfyte,
Quhose influence, and rycht excellent lycht.
And quhose nummer, may nocht be put in wryte.
3it, cunnyng Clerkis dois naturallye indyte.
How that he dois compleit his cours, but weir.
In space of sewin and thretty thousand 3eir.
[E 3a] Than the nynt Speir, and mouare principall
Off all the laif, we vesyit, all that heuin
Quhose daylie motioun is contyneuall.
Baith firmament and all the planetis sewin,
Frome est to west, garris thame [turne] full ewin,
In to the space of four and twenty houris.
jit, be the myndis of the Austronomouris,
The sewin Planetis, in to thare proper speris,
Frome west to est, thay moue, naturallie.
Sum swyft, sum slaw, as to thare kynde afferis,
As I haue schawin, afore, speciallie,
Quhose motioun causis contynewallie
Rycht melodious harmonie and sound,
And all throw mouyng of those Planetis round.
Than montit we, with rycht feruent desyre,
Up throw the heuin callit Christallyne.
And so we enterit in the heuin Impyre,
Quhilk to discryue it passis myne Ingyne,
Quhare God, in to his holy throne deuyne,
Ryngis, in to his glore Inestimabyll,
With Angellis cleir, quhilkis ar Innumirabyll<
In Ordouris nyne thir spretis glorious
Ar deuydit, the quhilkis excellentlye
Makis louyng with sound melodious,
Syngand Sanctus rycht wounder feruentlye.
Thir ordouris nyne thay ar full plesandlye
[E 36] Deuydit in to lerarcheis three,
And thre Ordouris in euerilk lerarche.