Scottish Text Society publications > Old series > Treatise callit The court of Venus

THE FOURT BUIK.
119
And quhen I heir of the Assise sentence,
That Desperance is cum in Repentence : 240
And put in will, and schawin befoir the luge,
Pronuncit be the sutouris Eloquence,
Than is dew time with materis to dispence,
And faltis ouir se quhilkis he committit huge.
And gif I pleis him to repell or luge, 245
Is not all that put in benouolence
Of me, gif I will take him in refuge.
First call the syse, and heir thair diffinitioun:
All that thay make put it to executioun.
And quhat I say it sail stand firme and stabill, 250
But obstakill, generall or reuocatioun.
Impediment, or appellatioun ?
Incontinent past Tisbe furth but fabill:
Schew the Assise with fassoun fauorabill:
How that Venus tuik gude consideratioun 255
Of thair writtingis, & thocht thame acceptabill.
And sa schortlie come the Assise anone.
All that thay did the Chancellar did propone,
[Fi]rst to the luge, and sine to the sutour:
[Qu]hais text beliue quhen that scho luikit on, 260
1 In fremmit termes scho did it sone expone :
That Desperance was found ane Forfaltour,
Ane rank Rebell, and als ane Trespassour
Aganis Venus, and bene ane felloun fone
Till all hir Court, and eik ane greit Tratour. 265
3it not the les becaus he did repent,
And in all sort was cum obedient,
The Assise thinkis thay couait not his deid.
To that effect Ilkane with ane consent,
Thay haif him put in Venus merciment: 270
1 Lf. 56. back.