Scottish Text Society publications > Old series > Treatise callit The court of Venus

THE COURT OF VENVS.
Sithe, Pitho, Plione, Coronis,
Als was present the fiftie Belides,
Danaus dochteris and eik Electra,
Oenone, Omphale, Aurora,
Petronia, and the Hesperides,
Eurynome, and als Orithyia.
Thair was Guanour, vmquhile to Arthur Quene
[W]ith mony vther Nimphis fair & schene :
[Lajdeis of sport, baith aid and ^oung not few,
1 That in Scotland myself befoir had sene.
Bot I will not schaw now quhome of I mene :
I dreid sum say that my taill is not trew,
Bot weill I wait thay war gallandis of glew.
And with Venus to the Court did conuene,
Contrair Vesta Desperance to persew.
Gif sum wald seik, or to despyre be schawin
Thair Nimphis Names & quhair to find //;ame knawin
Luik Virgill weill into his Eneydois:
Als his Georgiks and Bucolikis weill drawin
In transformatis Quid on breid hes blawin
Intill his buik of Metamorphoseos,
Theodolus baith in his text and glos :
And De Remedio Amoris throw out sawin
Thair salbe fund, and mony mo than thos.
Alsua quha list to tak pane or laubour
Out throw to reid the palice of honour,
Maid be Gawine dowglas of Dunkell,
Bischop, and als ane honest oratour.
Profound Poet, and perfite Philosophour.
Into his dayis abone all buir the bell:
In sic practikis all vtheris did precell,
Weill put in vers in gude still and ordour,
Thir Nimphis names, //fcair he dois trewlie [tell.]