Chiefs of Grant > Correspondence

1638.] M C KENZIE OF PLUSCARDEN. 65
do the lyke. I would haue been glaide to haue seen you and spokine with you my self, bot
I am affeard that I schall not steye long in this kyngdom, and so God bles you.
Your most loueing onkle and serwantt,
TULLIBAEDIN.
114. Thomas M'-Kenzie of Pluscarden to the Laird of Grant — Assembly at Glasgow.
Elgin, 11 December 1638.
My werie Nobill and Worthie Sir, — I reeeued yowr letter desyring me to subscriue the
band that ye gaue to the Laird of Leathin, quhilk I haue done, acording to yowr desyre.
Lyckwayes, sir, I did meit with the Laird of Bolweine yownger, quho thinks yow sowmquhat
wngreat if all be treue that he heiris ; bot I justefied yowr ptairt so far as I cowld. . . .
Lyckwayes, sir, I receiued ane letter from Glasgowe, deitit the fift of December, quhilk I
thoucht good to aquent yow acording to yowr desyre in yowr last letter to me. Sir, ye
shall know that acording to the King's indicktione the Assemblie lies sittin, hauing the
commissioner present with them for aucht dayis : bot feinding that they pleadit against
the corrowptionis of the tym, and against the esteatis of bisshopis, the commissioner did
remow himselfe from them, acording to his priwat instrucktionis from his Majestie : against
the quhiche the nobilitie protestit. The commissioner lyckwayes protestit against them, and
publising proclamationis for that eaffeck, against quhiche the nobilitie protestit. Preassed
be to God, ther proseiding is thowcht legall and just, and they intend to continou so still,
and I pray God forder them. Lyckwayis, sir, ye shall wnderstand that my Lord of Lome,
now Earlle of Argylle, the Earle of Mare, the Earle of Kingorne, the Earle of Wigtowne,
the Earle of Galloway and my Lord Amond, all cownssellers, and my Lord Easkin, feinding
that the commissioner was gone, they did adioyne themselfis with the nobilitie, and did
subscryue owr cowenant, and manie other gentill men of worthe that did nocht subscriue
before. They ar in hopes that all will be weill. This is all the newis I haue to yow for the
present.
Sir, ye heue put me in suche ane wse that I am not eabill to eat nothing, excepe it be
so win tender weanissone or wyld fowle, quhilk mackis me be bold with yow, intreating yow
to cause trye my facownd againe the holy dayis ; for I intend to hold the man to the fore,
and still to atend yowr serwice and yowr imploymentis to the wtermost of my power.
So wishing yow all health and happines, I remaine, your faithfull cowssing and howmbill
servant,
T. M c Kenzie of Pluscarden.
To the richt honorabill my werie nobill and worthie freind, the Laird of Grant — thes.
vol. II. I