Chiefs of Grant > Correspondence

1630.] SIR MUNGO MURRAY, VISCOUNT STORMONT. 53
9 4. Sir Mungo Murray, afterwards Second Viscount Stormont, to his Nephew,
the Laird of Grant — News of the Earl of Mar, etc.
Edinburgh, the 12 Desember 1629.
Deir Newoy, — Ye sail wit that yowr gwrte was not redy qvhen yovr man com to me, bot I
hewe dereket my man to he we hir redy.
As for newis, I knau ye will get them wretine to yow be yowr agent. My Lord Mar
will be heir this owk ; he hes gotine all his offesis recesit to him dwring his lyfftym, and hes
gotine ten thowsant pwnd sterling for his gud serwisis. I com to Edinburgh bot this last
nicht, and I hewe not hard of all newis as yit, bot this far I hewe assvrens to wret that
I am sorie for, qvhilk is that ye and wie all wealis ane nobill gentill man, James Hadan,
Glenegis brother, qvha hes deit of let in Holland, with the gretest regrat of any Scotis
man that ewer was borne. He was ane of the fynest gentill men that was in the Kingis
dominionis ; he hes not left the lyk behind him of ane Scottisman. The King of Boym and
the Prince of Oreng pot on mvming for him ; he was onorablie bwrit as ewer ane Scotis
man was. As for newis of the Marqvis qvhat he hes done, I am serten ye hewe them
wretine to yow mor pertikler nor I can wret, in respek I am bot newleins com to the
towne. I hed ane leter from my sister, your mother, qvhilk I can not answr for the j)resant,
in respek that your man's going so svdentle away. As to that pertikler sho wret to me
conserning my Lord Atholl, I will be ansorabill to all his nobill freindis for ony thing I
hewe done. If I hed not takine svm cowrs for him, I think all his freindis sowld svfferet
him to hewe perist, for he hes svm experience of that qvhilk was refusit to his father
qvhen he was in ane gret strat. This makis him and som of his best freindis tak the best
cowrs wie can for his standing. I pray yow excvs me at my sisteris handis that I hewe
not wrettine to her. Remember my serwis to your gwd lady. So hewing no farder, I rest,
Youris lowing wnkill to serwe yow,
S K M. Murray.
To my honorabill and loueing nevoy, the Laird of Grantt — thes.
95. Lilias Grant, wife of Sir Walter Innes of Balvenie, to her Mother, Lilias Murray,
Lady Grant — About her health. [Circa 1630.]
Madame, and loueing mother, I reseauit your ladyships letter, and am glaid of your lady-
ships good health and all your companie that hes easheaipit that denger, quhilk I houp
is avay. As to myself, I am veill, praisit be God, sum tyms veill and sum tyms siklie ;
and quhair your ladyship desyris to know giue I be vith bairne, I think I be sence Youill,
bot it not quik bot vithin this audit dayis, so that I can not speik of it yeit. God preserue
me and it both ; for senc I knaue your ladyship vill not cum and sie me, yeit I houp to cum