History and genealogy of the family of Wauchope of Niddrie-Merschell

25
Home of Aytoun, and Patrick Home, feir thairof, that fforsamekle as we having
considderit the gret repentance and hmniliatioun off Archibald Wauchop, fear of
Nidrie, and of Joseph Reidpath, his servand, first to God and syne to ws, the kin
and freindis forsaidis, ffor the unhappy chance and slauchter of the said umquhile
Gilbert Home, commitit be the said Joseph Reidpath, upone the day of
the yeir of God j m v c fourscoir yeiris, at the Pepper Myln, besyde
Edinburgh, the said Gilbert being in service with my Lord Bishop of Orkney,
quhen the said Gilbert, efter contemptioun of wordis, be accident wes slane, and
seing it happinnit of na set purpois, forthocht fellony, malice, or uther creweltie,
bot be chance, hes movit ws the rather to accept thair said humiliatioun in gud
part. And in considderatioun that the said Archibald Wauchop for himself and
the said Joseph, and for the remanent thair kin, freindis and servandis, hes nocht
onlie satisfeit ws in honour at the sicht of all our freindis, bot also hes numberit
and payit to ws, and to me, the said Alexander Home, for myselff and remanent
freindis forsaidis the sowme of fyve hundreth pundis money of this realme as for
assythment of the forsaid slauchter — and thairfoir to haif remitit, frelie forgiven
and dischargeit, and be the tennour heirof frelie remittis and forgevis and dis-
chargeis the saidis Archibald Wauchop and Joseph Reidpath, his servand, with
all uther his servandis, their kin, freindis, alliance, assistaris, and partakaris of
the forsaid slauchter of the said umquhile Gilbert Home, and of all actionis, cryme,
or persute that we or ony of ws, our kin, friendis, alliance, assistaris or partakaris
had, hes, or may haif to persew or allege aganis thame, or to lay to thair charge for
the same slauchter in tyme coming, renunceand the same be thir presentis, with all
rancour, haitrent or malice consavit in our hartis aganis thame or any of thame,
for the said slauchter, or for any caus, deid, or occasioun proceiding thairupone
bipast and to cum, for now and evir. And grantis ws weill assythit and satisfeit
in our hartis thairfoir, obleissand ws and ilk ane of ws for our selfis, and takand the
burding upone ws as said is, with consent of the said noblemen our freindis, be
thir presentis, nevir to persew nor invaid the saidis Archibald Wauchop, Joseph
Reidpath, his servand, nor na uther his servandis, thair kin, freindis, alliances,
assistaris, or partakaris, for the said deid, directlie nor indirectlie, in the law
nor by the law, in na tyme heirafter, bot to leve in godlie peace in brotherlie
societie with thame, in the feir of God, procuring thair weill as our awin,
under the pane of deffamie, perjurie, violatioun of our faith quherunto we
haif sworne be thir presentis. In witnes of the quhilk thing to this our
letter of remit, subscrivit with our handis in maner following, at Colding-
hame the twentyfyve day of December the yeir of God ane thousand fyve