Genealogy of the house and surname of Setoun

58 THE GENEALOGIE OF YE HOUS
it was befoir the said burning. This Lord George was sent ambassadour
to France, as ane contenit in the commissioun to treat and mak the con-
tract and mariage betuix our Souerane Ladie Queen Marie and Frances
Daulphin of Venois, eldest sone and air to Henrie the Secund, King of
France, and to sie the said mariage tak end and effect, quhilk was com-
pleitit in the face of halie kirk in the citie of Pareis, in the kirk of
Noster Dame, the 24 day of Apryle, the zeir of God 1558 yeiris, the
said Ambassadouris being present. For the quhilk the said Lord George
Was honestlie rewardit be the said King of France with certane siluer
veschell, and ane yeirlie pensioun of 1200 frankis. And this lord boght
the rest of the landis of west Niddrie, and the haill reuersiouns thairof
uoconqueist of Sanctandrois, for the confirmatioun of the few of Kirk-
Kstoun, and gat fra the said bischop the heretage to him and his airis
of the principall bailliearie of the baronie of Kirklistoun, togidder with
the office of justiciare of all the landis and regalities pertening to the
said bischoprick, lyand on the south syde of Forth. Also in his tyme,
vpon the 16 day of Februar, the zeir of God 1561 yeiris, the grit dun-
geoun of the aidd tour of Setoun fell to the ground, bot as God wald
haue it, it did no bodie harme. The caus of the fallin thairof was be
reason it was verie auld, and also thair was sindrie translatiouns maid
into it, and especially in the ground, quhilk was not sa good as the rest
of the wark. This Lord George biggit the great new hous south frae
the said great tour, vpon the syde of the gairding. He biggit also the
great stane dyk with stane and lyme, about the zaird and orchaird
thairof.