Genealogy of the house and surname of Setoun

22 THE GENEALOGIE OF YE HOUS
Richard in his offices. The said Mr Richard and Mr James, becaus of
the king his presence war ye mair haitt and rigorous in the matter. Than
ye said Mr Dauid, ane of ye aduocats for ye Lord Setoun, persauing the
hight of ye said Mr Richard, said to him, houheit they call you Lau-sone,
ze ar not lauis father, to mak laues at your plesure. And than he said
to the king, Sir, quhen our foirbeirs gat yon land at your Ma ties maist
noble predecesoris, for yair trew seruice, sumtyme geuand ye bloode of
yair bodies, and sumtyme yair Hues in defence of this realme, at that
tyme thair was nather Lausone nor Henrisone, quha wald invent wayis to
disinherit the barrouns of Scotland. The king his Ma tie said to ye said
Mr Dauid, hou nou, ze forzet yourself, ze know not quhair ze ar ; ze ar
mair lyk ane man of weir than ane aduocat ; it appears ze wald fight for
the matter. Than ansuerit the said Mr Dauid, and said ; Sir, and it
might stand with your Ma ties plesure, I pray God if it war at that, to sie
if baith Lausone and Henrisone durst feght with me in that quarrell, als
auld as I am : for he was than mair nor 60 yeirs. The king his Ma tie , quha
was the maist noble and humane prince in ye warld, haueand considera-
tioun of the age of the man, and of his grit affectioun to his cheif his
actioun, he smyllit and leugh a litle, and said na mair. This Mr Dauid
was persone of Fettercairn and Balhelmie. He was a lairge man of
bodie as was in his dayes, and stout thairwith, the best lyk aget man
that ever I saw. He leuit quhill he was 80 years vndecrepit. He did
monie vther good acts worthie to be put in remembrance, quhilk I omit
for shortnes. The fyft sone, callit Gilbert, ane maister clerk. The said
Alexander, eldest sone to ye said Gilbert, mareit Murray, dochter to the
laird of Tullibardin, and gat on hir ane sone callit Alexander, quha deit
befoir his father. This Alexander mareit Katherein, dochter to the
Lord Lindsay of the Byris, and gat on hir tua sones, ye eldest callit
Johne, quha succeidit to his gudshir, and was slain at Floudane, liefand
behind him na successioun of his bodie. Ane vther, callit Andro, quha sue-