Genealogy of the house and surname of Setoun

AND SURNAME OF SETOUN. 17
Methven, and they that tuke him cryit, in scorne and derisioun, Quha will
help the new maid King ? quhilk cry the said Sir Christell hard, and
come in all haist, and straik at yarde him that had the king in hands ;
and thair he and his freinds fred ye said King, and put him to libertie.
This Sir Christell mareit the said King Robert Bruce his sister, callit to
hir name Christiane Bruce ; and thairfoir the said King Robert gaue to
ye said Sir Christell ye double trassours of flour delyces, to be worne
about his armes, and ye armes of his posteritie, lyk as ye king weirs them.
Efter monie great and notable actis done be ye said Sir Christell contrair
Ingland, he was tane at ye last in ye castell of Lundoirs be ye Inglish-
men, and be King Eduard Langshankis, and was beheidit vpon ane litle
know besyde Dunfreis maist cruellie. And efter the said King Robert
Bruce had receauit the realme of Scotland foorthe of the Inglishmens
hands, come to Dunfreis, and thair remanit ane certane space, and ye
said King Robert passand foorthe be the said litle know besyde ye toun
to tak the air, quhair the said Sir Christell was maist cruellie beheidit,
the said King Robert causit found ane chappell in honour of the Vir-
gin Marie, and in remembrance of the said Sir Christell foundit ane
preist to do deuine seruice yairin perpetuallie, and pray for ye said Sir
Christell, and gaue to ye said preist and his successors ye soume of fyve
ponds sterling to be taking of ye baronie of Carlauerok for thair susten-
tation, quhilk I have had in my awin handis, and red it sindrie tymes.
The quhilk chappell was standand haill and undecayit in ye yeir of God
1552 yeir, as I saw my self, and as I*beleue standis zit in ye samin ma-
ner, and is callit be all the inhabitants in that cuntrie quhair it is, Chris-
tell his Chappell.
OF SIR ALEXANDER, ye 2. Cap. 10.
Sir Alexander Setoun, sister sone to King Robert Bruce, succeidit to
c