Genealogy of the house and surname of Setoun

SEN MALCOLM CANMOIR. 5
JOHNE BALIOLE, began his rigne in anno 1291 yeirs, and in the 5
yeir of Philip callit the Fair, king of France, and in ye 19 of ye
foirsaid Eduard, king of Ingland, Johne Baliol was maid king be sup-
port of the foirsaid Eduard, king of Ingland. And efter he had rung 4
yeirs, he was deposit, depryuit, and expellit be ye said Eduard, and fled
in Normandie, quhair he deit. Efter quhais expulsioun, ye realrae was
gouernit sumtyme be William Wallace, and sumtyme be vther trew
barrouns chosin yairto, ye space of 9 yeirs, or Robert Bruce could obtein
ye croun.
ROBERT BRUCE, began his rigne in anno 1305 yeirs, and in ye 19
of Philip callit ye Fair, king of France, and in ye 33 yeir of ye foirsaid
Eduard, king of Ingland ; and rang 25 yeirs.
DAVID BRUCE, sone to King Robert Bruce, began his rigne in anno
1329 yeirs, and in ye first yeir of Philip ye king of France, surnamed
de Valois, and in ye 3 yeir of Eduard, king of Ingland ; and rang 39
yeirs.
ROBERT the Secund, first of ye Stewards, began his rigne in anno
1369 yeirs, and in ye first yeir of Charles ye Fyft, king of France, and
in ye 43 of Eduard ye Thrid, king of Ingland ; and rang 20 yeirs.
ROBERT ye Thrid, secund of ye Steuarts, began his rigne in anno
1389 yeirs, and in ye 6 yeir of Charles the Sixth, king of France, and in
ye 12 of Richard ye Secund, king of Ingland ; and rang 16 yeirs. Efter
quhais deceis (quhilk was in anno 1405 years, and in ye 22 of ye foirsaid
Charles, king of France, and in ye 6 of Henrie ye Fourth, king of Ing-
land,) Scotland was gydit be Robert Duk of Albanie 4 yeir, during the
quhilk tyme James ye First was prisoner in Ingland.