William Dunbar: The Golden Targe (Page 7 of 12)
(p.95)
Thare was the god of fludis Neptunus
Thare was the god of wyndis Eolus
With variand luke ryt lyke a lord vnstable.
Thare was Bacus the gladder of the table
There was pluto the elrich incubus
In cloke of grene his court vsit no sable
And ewiry one of thir in grene arayit.
On harp or lute full merily thai playit
And sang ballettis with michty notis clere
Ladyes to dance full sobirly assayit
Endlang the lusty rywir so thai mayit
Thair obseruance ryt hevynly was to here
Than crap I throu the leuis. & drew nere
Quhare yat I was ryt sudaynly affrayt
All throu a luke / quhilk I haue boucht full dere
And schortly for to speke / be lufis quene
I was aspyit scho bad hir archearis kene
Go me arrest / and thay no tyme delayit
Than ladyes fair lete fall thair mantillis gren
With bowis big in tressit hairis schene
All sudaynly thay had a felde arayit
And yit ryt gretly was I noucht affrayit.
The party was so plesand for to sene
A wonder lusty bikkir me assayit
And first of all with bow In hand ybent
Come dame beautee ryt as scho wald me schent
Syne folowit all hir dameselis yfere
With mony diuerse aufull instrument
Wnto the pres fair having wyth hir went
Fyne portrature plesance & lusty chere
