William Dunbar: The Golden Targe (Page 4 of 12)
(p.92) Quhilk schadovit all about wyth twynkling glemis
That bewis bathit war in secund bemys
Throu the reflex of phebus visage bryt
On every syde the hegies raise on hicht
The bank was grene / the bruke vas full of bremys
The stanneris clere as stern in frosty nyt
The cristall air the sapher firmament
The ruby skyes of the orient
Kest beriall bemes on emerant bewis grene
The rosy garth depaynt and redolent
With purpur azure gold and goulis gent
Arayed was. by dame fflora the quene
So nobily. that ioy was for to sene
The roch agayn the riwir resplendent
As low enlumynit / all the leues schene
Quhat throu the mery foulys armony
And throu the ryueris soune ryt ran me by
On fflorais mantill I slepit as I lay
Quhare sone in to my dremes fantasy
I saw approch agayn the orient sky
A saill als quhite as blossum vpon spray
Wyth merse of gold bryt as the stern of day
Quhilk tendit to the land full lustily
As falcoune swift desyrouse of hir pray
And hard on burd vnto the blomyt medis
Amang the grene rispis and the redis
Arrivit sche quhar fro anone thare landis..
Ane hundreth ladyes lusty in to wedis.
Als fresch as flouris that in may vp spredis
In kirtillis grene withoutyn kell or bandis
