William Dunbar: The Tua Mariit Wemen and the Wedo (pp.177-188 in the volume) with William Dunbar: Lament for the Makars (pp.189-191 in the volume) with William Dunbar: Kynd Kittok (p.192 in the volume) with William Dunbar: The Testament of Mr Andro Kennedy (pp.193-196 in the volume)   (Page 6 of 20)

First Scottish book image

(p.182) In to my mynd makand mokis at that mad fader.
Trovand me with trew lufe to treit him so fair.
This cought i do with out dule et na dises tak
bot ay be mery in my mynd et myrth full of cher
I had a lufsummar leid my lust for to slokyn.
That couth be secrete and sure and ay saif my honour
And sew bot at certane tymes et in sicir placis
Ay quhen ye ald did me anger with akword wordis
Apon ye galland for to goif it gladit me agane
I had sic wit that for wo weipit i litill.
bot leit ye sueit ay ye sour to gud sesone bring.
Quhen that ye chuf wald me chid with girnand chaftis
I vald him chuk cheik et chyn et cheris him so mekill
that his cheif chymys [he] had chevist to my sone.
Suppos ye churll wes gane chaist or ye child wes gottin
As wis woman ay i wrouht et not as wod fule
For mar with wylis i wan na wichtnes of handis
Syne maryt i a merchand myghti of gudis.
He wes a man of myd eld et of mene statur.
bot we na fallowis wer in frendschip & blud
In fredome na furth bering na fairnes of persoune
Quhilk ay ye fule did forzet for febilnes of knawlege.
Bot i sa oft thoght him on quhill angrit his hert.
And quhilum i put furth my voce et pedder him callit
I wald ryght tuichandly talk be i wes tuyse maryit
For endit wes my innocence with my ald husband
I wes apperand to be pert with in perfit eild.
Sa sais ye curat of our kirk that knew me full zing
He is our famous to be fals that fair worthy prelot.
I sal be laith to lat him le quhill i may luke furth
I gert ye buthman obey yer wes no bute ellis
He maid me ryght hie reuerens fra he my rycht knew.
For yot i say it my self ye seuerance wes mekle
Betuix his bastard blude et my birth noble
That page wes neuer of sic price for to presome anys.